bwiza.com
Ahabanza » Indirimbo ‘Kwangwaru’  yakunzwe cyane mu Rwanda yabujijwe gucurangwa muri Kenya
Imyidagaduro

Indirimbo ‘Kwangwaru’  yakunzwe cyane mu Rwanda yabujijwe gucurangwa muri Kenya

Indirimbo y’Umuhanzi Harmonize afatanyije na Diamond Platnumz,yitwa ‘Kwangwaru’ yahagaritswe kumvwa no gucurangwa n’abanyeshuri bo mu gihugu cya Kenya.

Umuyobozi w’Ikigo cy’Igihugu Gishinzwe ibya Filimi (KFCB), Ezekiel Mutua yatangaje ko ‘Kwangawaru’idakwiye kumvwa cyangwa ngo icurangwe n’abana bacyiga mu mashuri.

Mutua atangaza impamvu y’iki cyemezo yagize ati “ Iriya ndirimbo [Kwangwaru] ifite igisobanuro kibi. Twayiciye mu mashuri. Ntibisanzwe, abana bari ku ishuri baririmbira ba nyina ngo inama, inama [unama, unama].”

Uyu muyobozi yasabye abarimu kubuza abanyeshyuri kumva iyi ndirimbo kuko ngo yangiza imitekereze yabo ndetse asaba ko Leta yafata ingamba zihamye ku ndirimbo nk’izi avuga ko zibangamiye umuco w’igihugu cye.

Ati “ Utubyiniro na za disiko zikwiye kugenzurwa kugira  ngo abahanzi bavuye hanze bataza kutwangiririza indangagaciro, umuco n’imigenzo byacu. Kuki bakina indirimbo zanzwe mu bihugu byabo muri Kenya?”

Kwangwaru ni indirimbo yakunzwe cyane mu Karere ka Afrika y’Iburasirazuba bitewe ahanini n’uko iryoheye abazi gukaraga umubyimba. Ku rundi ruhande, abazi neza ururimi rw’Igiswahili bavuga ko yuzuyemo ibishegu.

Iyi ndirimbo yashyizwe kuri You Tube kuwa 14 Mata 2018, kuri ubu imaze kurebwa n’abantu basaga miliyoni 41 mu gihe abasaga 15 bagize icyo bayivugaho.

 

 

Izindi wakunda

Bwiza.com