bwiza.com
Ahabanza » Nejejwe cyane no kugaruka mu rugo- Zidane avuga muri Real Madrid
Amakuru Imikino

Nejejwe cyane no kugaruka mu rugo- Zidane avuga muri Real Madrid

Umutoza Zinedine Zidane avuga ko yishimiye gusubira mu ikipe ya Real Madrid yo muri Espagne, gukomeza kuyitoza.

Muri Gicurasi 2018, nibwo Zidane yari yasezeye ku kazi k’ubutoza bw’iyi kipe y’igihangange ku mugabane w’u Burayi, ubu akaba ayisubiyemo ndetse anashimangira ko asubiye mu rugo.

Yagize ati “Ndabizi neza ko uyu ari umunsi w’agatangaza kuri twese. Ndanezerewe, icy’ingenzi ni iki gikurikira: Nejejwe no kuba ngarutse mu rugo. Mufite ibibazo byinshi ariko nta bintu byinshi mfite byo kuvuga, nejejwe no kugaruka.

Akomeza avuga ko ikimusubije muri iki gihugu ari ugukomeza guteza imbere iyi kipe, ati “Nejejwe no kugaruka gukora, gushyira ikipe aho yakagombye kuba iri, aho yakagombye buri gihe kuba iri. Ubu bigiye gushyirwa mu bikorwa”.

Nk’uko ikinyamakuru Goal kibitangaza, n’ubwo yari yarasezeye muri iyi kipe ngo ntabwo yari yararigiye kure yayo, ndetse ko kugenda kwe kwari ku bw’umutimanama we, ubu nabwo ngo akaba agarutse ku bwe. Ati “Uyu munsi ndagarutse kuko Perezida w’ikipe yarampamagaye, ngarutse ku bw’umutimanama wanjye,…”.

Zinedine Zidane yasubiye muri Real Madrid, Solari yeretswe amarembo

Umutoza Zidane yavuye muri Real Madrid kuri 31 Gicurasi 2018, amaze gutwara ibikombe bitatu bya UCL (UEFA Champions League).

Izindi wakunda

Bwiza.com
error: Alert: Ntabwo byemewe!!