bwiza.com
Ahabanza » Uganda: Perezida Museveni araregwa kwiba indirimbo y’umuhanzi Kaweesa
Amakuru Imyidagaduro

Uganda: Perezida Museveni araregwa kwiba indirimbo y’umuhanzi Kaweesa

Perezida wa Uganda Yoweri Kaguta Museveni araregwa n’umuhanzi w’umugande Richard Kaweesa ko yamwibye indirimbo ye . Uyu muhanzi Richard Kaweesa akaba yamaze kugeza ikirego cye mu rukiko rw’ubucuruzi.

Richard Kaweesa abinyujije ku banyamategeko be , yavuze ko ariwe wahanze indirimbo ‘’Another Rap’’ gusa ngo Museveni yakoresheje iyi ndirimbo mu gihe yiyamamazaga mumatora y’umukuru w’igihugu muri 2010. Gusa uyu muhanzi ashinja Museveni ko yibye indirimbo ye akongeramo amagambo make y’Ikinyankole agaragara mu mbwirwaruhame Museveni yavuze tariki ya 9 Ukwakira 2010.

Uyu muhanzi Richard Kaweesa akaba ashinja Museveni ko yakoresheje igihangano cye mu buryo bunyuranije n’amateko dore ko atanabisabiye uburenganzira.

Richard Kaweesa

Richard Kaweesa kandi ararega urwego rushinzwe iyandikwa ry’imitungo mu by’ubwenge ko bananiwe kubanza kugenzura no gushishoza mbere yo kwandika no guha Museveni uburengazira kuri iyi ndirimbo muri 2011. Uyu muhanzi akaba yifuza ko urukiko rugaragaza ko Museveni yishe itegeko rijyanye no guhabwa uburenganzira ku kintu cy’abandi.

Nkuko tubikesha ikinyamakuru Chimp Report, Richard Kaweesa akaba asaba Museveni ko yamwishyura miliyari eshanu n’igice z’amashilingi( Shs 5.5) nk’impozamarira kubera ko yakoresheje indirimbo ye mu buryo bunyuranije n’amategeko.

Nkurunziza Viateur Bwiza.com

Izindi wakunda

Bwiza.com
error: Alert: Ntabwo byemewe!!