bwiza.com
Ahabanza » EAC ngo yaba yahisemo politiki ya “Dutegereze Turebe” ku bibazo by’u Rwanda na Uganda
Amakuru Politiki

EAC ngo yaba yahisemo politiki ya “Dutegereze Turebe” ku bibazo by’u Rwanda na Uganda

Umuryango wa Afurika y’Iburasizuba ngo wahisemo gukoresha politiki ya “Dutegereze Turebe” ku bibazo biri hagati y’u Rwanda na Uganda benshi bemeza ko ari yo ntandaro y’ifungwa ry’umupaka wa Gatuna uhuza ibihugu byombi.

Ikibazo kiri hagati y’u Rwanda na Uganda ngo kikaba cyateye urujijo urwego rwa EAC rushinzwe imibanire ishingiye ku bucuruzi mu gihe umupaka mukuru wa Gatuna Uganda yifashishaga inyuza ibicuruzwa byayo mu Rwanda ukomeje gufungwa.

Dufite ubuyobozi bwa gasutamo n’ubucuruzi mu Rwanda no muri Uganda. Turateganya kuzuza raporo ku makimbirane mu minsi mikeya iri imbere mbere yo kwegera ibihugu bigize umuryango,” uyu ni Umunyamabanga Mukuru wa EAC, Dr Liberat Mfumukeko.

Yabitangarije mu nama yahuje abikorera kuri uyu wa kabiri, itariki 12 Werurwe harebwa uko hakongerwa uruhare rw’uru rwego muri EAC, ariko agaruka no ku ngaruka zo kutumva kimwe ingaruka z’amakimbirane ku bikorwa  by’ubucuruzi bwambukiranya imipaka nk’uko iyi nkuru dukesha The Citizen ikomeza ivuga.

Nk’uko byemezwa n’Akanama k’Umuryango wa Afurika y’Iburasirazuba gashinzwe za business (EABC), ngo iki kibazo cy’ifungwa ry’imipaka gifite ingaruka zirenze imipaka y’ibihugu byombi birebana ay’ingwe. Bivuze ko ibi bihugu Atari byo bihahombera gusa ahubwo n’abandi baturanyi bari kuhahombera.

Chairman wa EABC, Nick Nesbit akaba yagize ati: “Igihe hari imbogamizi ku mupaka umwe, bigira ingaruka ku yindi mipaka yose. Abanyamuryango bacu badusabye kumvikanisha amajwi yacu ariko ibi twabikora gusa mu bwitonzi. Turashaka kumva ibiri kuba mu by’ukuri n’ibibazo bya politiki birimo.”

Hagati aho, abasesenguzi ku bucuruzi hagati y’ibi bihugu byombi by’ibituranyi, ngo igihugu cya Uganda nicyo gishobora guhombera cyane muri aya makimbirane ashingiye ku bucuruzi, nk’aho bemeza ko iki gihugu mu mwaka ushize wa 2018 cyohereje mu Rwanda ibicuruzwa bifite agaciro ka miliyoni 197 z’Amadolari, mu gihe yatumije mu Rwanda ibicuruzwa bifite agaciro ka miliyoni 18 z’Amadolari.

 

 

Izindi wakunda

Bwiza.com