bwiza.com
Ahabanza » Harabura amasaha make ngo Meddy yitabe urukiko ku kibazo cy’ideni
Imyidagaduro

Harabura amasaha make ngo Meddy yitabe urukiko ku kibazo cy’ideni

Umuhanzi Meddy asigaje amasaha 14 ngo yitabe urukiko rw’ubucuruzi rwa Nyarugenge, yiregura ku kibazo cy’umwenda afitiye imwe muri Kompanyi za hano mu Rwanda.

Meddy yatumijweho n’uru rukiko kugira ngo yiregure ku byo ashinjwa na Kompanyi  KAGI Ltd ivuga ko ayiberemo miliyoni 10 by’amadolari ya Amerika.

Ibaruwa isaba Meddy kwitaba urukiko Bwiza.com yateyeho akajisho ivuga ko Meddy akwiriye kwitaba urukiko kuri uyu wa 14 Werurwe 2019 saa mbiri n’igice za mugitondo ku isaha y’I Kigali.

Uruhande rwa Meddy rwavuze ko rutazishyura n’iripfumuye

Umwe mu bakurikirana inyungu za Meddy mu Rwanda, Bruce Intore yatangarije Inyarwanda ko  batiteguye kwishyura ideni ko  ahubwo  iyi kompanyi yategura ikindi gitaramo kugira ngo Meddy aririmbe yishyurwe amafaranga yari yasigaye.

Yagize ati “Nta deni Meddy abafitiye kompanyi Kagi Rwanda Ltd kuko ni avansi ya ‘concert’ bamuhaye. Kuba igitaramo kitarabaye ni amakosa y’abagiteguraga bamuburiye visa yo kujya mu Bubiligi kandi urabizi ko utegura igitaramo ni we ushakira umuhanzi visa.

Tubararikiye kuzabagezaho icyo urukiko rwategetse.

 

Izindi wakunda

Bwiza.com
error: Ntibyemewe