bwiza.com
Ahabanza » Abafana ba Mc Kats barakeka ko yataye umutwe kubera Umunyarwandakazi Fille
Imyidagaduro

Abafana ba Mc Kats barakeka ko yataye umutwe kubera Umunyarwandakazi Fille

Umugabo wahoze akundana n’Umunyarwandakazi Fille Mutoni ari we Mc Kats akomeje gukekwaho kuba atameze neza mu mitekerereze bitewe no gutandukana n’uyu mugore.

Aba bombi batandukanye ku mugaragaro mu mwaka wa 2018. Mc Kats yagiye avuga amagambo menshi by’umwihariko ku mbuga nkoranyambaga avuga uburyo yakundaga Fille. Ni mu gihe uyu mugore we agaragaza ko atakimwitayeho na gato.

Iyi myitwarire ya Mc Kats yatumye inshuti ze n’abandi bo mu muryango batangira gukeka ko uyu mugabo yaba yaragize ihungabana nk’uko Ghafla ibitangaza.

Ibi ni nyuma y’aho uyu mugabo avuze ko atazibagirwa uburyo Fille yamwohererezaga imyembe mu ijoro kandi ko azamukunda kugeza ku mwuka we wa nyuma.

Uyu mugore yaje gusubiza ko ibi ntacyo bimubwiye ko ahubwo arangamiye ahazaza yizera ko hamuhishiye byinshi.

Fille na Kats batandukanye ahanini bapfa gucana inyuma gusa bigaragara ko uyu mugabo atarikura uyu mugore mu bitekerezo bye.

 

Izindi wakunda

Bwiza.com