bwiza.com
Ahabanza » Kizito Mihigo yasohoye indirimbo nshya ijyanye no kwibuka Jenocide yakorewe Abatutsi
Amakuru Kwibuka

Kizito Mihigo yasohoye indirimbo nshya ijyanye no kwibuka Jenocide yakorewe Abatutsi

Umuhanzi Kizito Mihigo yashyize indirimbo ye nshya hanze ijyanye no kwibuka Jenoside yakorewe Abatutsi muri 1994 .Iyi ndirimbo akaba yarayise ” Abarinzi b’amateka”.

Iyi ndirimbo ikaba ishishikariza abantu kudapfobya ,guhakana no kwanduza amateka ya Jenoside yakorewe Abatutsi muri 1994. Kizito asohoye iyi ndirimbo mu gihe u Rwanda rwitegura kwibuka Jenoside yakorewe Abatutsi ku nshuro ya 25.

Abinyujije ku rukuta rwe rwa Instagram Kizito yatangaje ko akazi ko gutunganya indirimbo zo kwibuka Jenoside ku nshuro ya 25 yagatangiye. Iyi ndirimbo ikaba ari umusogongero yageneye abakunzi be .Byumvikane ko hakiri izindi ndirimbo azasohora mu minsi iri mbere zijyanye no kwibuka.

Si ubwa mbere Kizito Mihigo asohoye indirimbo ijyanye no kwibuka Jenoside yakorewe Abatutsi. Mu mwaka wa 2011 yasohoye iyitwa “Twanze gutoberwa amateka”.Iyi ndirimbo ikaba yarakunzwe cyane haba mu Rwanda ndetse no mu mahanga.

Kuva yasohoka muri gereza, Kizito yasohoye izindi ndirimbo zitandukanye, zirimo: Aho kuguhomba yaguhombya, Uzabe intwari, Ibyishimo bibi n’izindi.

Nkurunziza Viateur Bwiza.com

Izindi wakunda

Bwiza.com