bwiza.com
Ahabanza » Perezida Trump nawe yahagaritse indege zo mu bwoko bwa Boeing 737-Max 8 na 9
Amakuru Politiki

Perezida Trump nawe yahagaritse indege zo mu bwoko bwa Boeing 737-Max 8 na 9

Perezida Donald Trump wa Leta Zunze Ubumwe za Amerika, nawe yategetse ko indege zose zo mu bwoko bwa Boeing 737-Max 8 na 9 zihagarikwa. Ni nyuma y’ibyemezo byari byagiye bifatwa n’ibihugu bitandukanye nk’u Bushinwa na Indonesia nabyo byakumiriye indege zo muri ubu bwoko mu kirere cyabyo.

Iki cyemezo cya Perezida Trump kije nyuma y’aho indege ebyiri zo muri ubu bwoko zikoreye impanuka mu gihe cy’amezi atandatu zigahitana abantu 350 bose hamwe.

Abinyujije ku rukuta rwe rwa twitter nk’uko tubikesha Ijwi rya Amerika, Donald Trump yavuze ko muri iki gihe indege zisaba ubuhanga buhambaye cyane kugirango umuntu aziyobore neza.

Sosiyete Boeing ikora izo ndege kuri uyu wa Kabiri ushize yari yatangaje ko nta migambi ifite yo guhagarika izo ndege zikorerwa muri Leta ya Washington muri Leta Zunze Ubumwe za Amerika.

Izindi wakunda

Bwiza.com