bwiza.com
Ahabanza » Tanzania/Dodoma: Hagiye kubakwa ‘sitade’ izajya yakira hagati y’ibihumbi 85 na 100
Uncategorized

Tanzania/Dodoma: Hagiye kubakwa ‘sitade’ izajya yakira hagati y’ibihumbi 85 na 100

Umukuru w’igihugu cya Tanzania, John Pombe Magufuli yahuye n’itsinda ry’abatekinisiye baturutse muri Marroc no muri iki gihugu, mu rwego rwo kunoza umugambi wo kubaka ikibuga cy’umupira w’amaguru(stade) kizajya cyakira abafana bari hagati y’ibihumbi 85 n’ibihumbi 100.

Mu 2016, Umwami wa Marroc, Mohammed VI, yasuye iki gihugu avayo ahigiye kwubakamo umusigiti n’ikibuga cy’umupira w’amaguru. Iki kibuga kizubakwa mu murwa wa Dodoma.

Ambasaderi wa Marroc muri Tanzania, Abdelilah Benryane yavuze ko ibi byose bizakorwa ku mpamvu y’umubano mwiza ibihugu byombi bifitanye.

Nk’uko Global Publishers ibivuga, ikibuga kizubakwa mu gace ka Nanenane, hafi y’umusozi wa Kilimanjaro.

Iki kibuga kizaba cyiyongereye mu mubare w’ibindi binini muri Afurika nka FNB cyo muri Afurika y’Epfo, Borg El Arab yo mu Misiri, Stade de Martyrs yo muri RDC na Stade 5 juillet 1962 yo muri Algeria.

Izindi wakunda

Bwiza.com
error: Ntibyemewe