bwiza.com
Ahabanza » Umuhanzi Murenzi Chris agiye gutaramira abafana be i Kigali
Amakuru Iyobokamana

Umuhanzi Murenzi Chris agiye gutaramira abafana be i Kigali

Ku wa 17 Werurwe 2019, ahagana sa cyenda za nimogoroba, Umuhanzi mu ndirimbo zihambaza ndetse zinaramya Imana, Chris Murenzi yateguye igitaramo cy’ imbaturabugabo kizabera ku Rusengero Evangelical Restoration Church ku Kimisagara.

Iki gitaramo cyiswe “Let Hope Rise live concert 2019″,  cyatumiwemo abahanzi batandukanye nka Nelson Mucyo , Arsene Tuyi , Deo Munyakazi, Justin Cubaka  ndetse na Nziza Francis.

Si abo gusa kuko, iki gitaramo kizitabirwa   n’ amatsinda nka One familly one Vision izwi cyane mu njyana ya Hip Hop, itsinda  Shining Stars Familly imaze kwamamara  mu kubyina ndetse na Shekinah Dance na shekinah Worshipteam bizaba bihabaye.

Mu kiganiro na Bwiza. com, Murenzi Chris(MC) yavuze ko  hamwe no kwizera Imana imyiteguro y’ igitaramo ihagaze neza ndetse ko hari byinshi kandi byiza.

Ati” Mushonje muhishiwe! ntimuzasibe !cyangwa ngo mucyererwe ni Saa cyenda ,imiryango izaba ifunguye , kugira habeho kwicaza abantu neza bityo barusheho kunogerwa n’ indirimo zinyuranye kandi zitanga icyizere cy’ ubuzima bwa none n’ ubw’ iteka ryose”.

Murenzi Chris yakomeje na none agira ati “Nk’ uko isanganyamatsiko ibivuga , Iki ni igihe cyawe cyo guhemburwa ukagira umutima nk’uwa Yesu kugeza gusa na we”.

Murenzi Chris ni umuhanzi w’ indirimbo zizimbaza Imana ariko mu mpano ye akora injyana zitandukanye nka Zouk, Rock n’ izindi nyinshi usibye kuririmba anasanzwe kandi ari umucuranzi wa guitare ndetse na piano.

Izindi wakunda

Bwiza.com