bwiza.com
Amakuru Politiki

Amajyepfo: Abaturage bakomeje gushinja abunzi kubaka ruswa

Mu Ntara y’Amajyepfo abaturage batandukanye barashinja abunzi kubaka ruswa mu gihe babagannye  ngo babafashe kubacyemurira ibibazo nk’uko iyi nkuru dukesha RadioTV10 ivuga.

Ushinzwe abunzi bo mu karere ka Nyanza, Bankundiye Jeanne, avuga ko batari bafata abunzi bariye ruswa gusa, na we ntahakana ko bidashoboka ko bashobora kuyirya, akaba ariho ahera avuga ngo ‘umukobwa aba umwe agatukisha benshi’.

Kuba abunzi bakora umurimo badahemberwa ngo siyo mpamvu hari abateshuka ku nshingano bakarya ruswa ahubwo ngo yaba ari ngeso kuri bamwe nkuko byemezwa n’umunyamabanga nshingwabikorwa w’Akarere ka Nyanza, Niyonshimye Didier.

Ingingo ya 31y’itegeko rigenga abunzi ivuga ko imyitwarire y’Abunzi ikurikiranwa na Biro ya Komite y’Abunzi ivugwa mu ngingo ya 9 y’iri tegeko . Iteka rya Minisitiri ufite Ubutabera mu nshingano ze rigena imyitwarire y’Abunzi.

Naho  Ingingo ya 32ivuga ko Ihagarikwa ry’umwe mu bagize Komite y’Abunzi ibyibwirije cyangwa ibisabwe n’abaturage, Komite y’Abunzi ishobora guhagarika by’igihe kitarenze ukwezi kumwe (1) umwe mu bayigize kubera kubogama cyangwa indi myitwarire igayitse. Icyo cyemezo gifatwa nibura na bibiri bya gatatu (2/3) by’abagize Komite y’Abunzi, umwunzi ukemangwa amaze guhabwa umwanya wo kwisobanura.

 

Izindi wakunda

Bwiza.com