bwiza.com
Ahabanza » Depite Frank Habineza yamaganye iyicwa ry’Umuvugizi w’Ishyaka rya Ingabire Victoire
Amakuru

Depite Frank Habineza yamaganye iyicwa ry’Umuvugizi w’Ishyaka rya Ingabire Victoire

Depite akaba n’Umuyobozi w’Ishyaka Riharanira Demokarasi no Kurengera Ibidukikije mu Rwanda (DGPR) ryamaganye ubwicanyi bwakorewe uwari Umuvugizi  w’ishyaka FDU-Inkingi rya Ingabire Victoire, Anselme Mutuyimana wishwe kuwa 8 Werurwe 2019.

Itangazo ryashyizwe ahagaragara niri shyaka ritavuga rumwe n’ubutegetsi buriho mu Rwanda  kuri uyu wa 14 Werurwe, risaba Leta  kwihutisha aho iperereza rigeze kugira ngo abakekwa kugira uruhare mu rupfu rwa Mutuyimana bagezwe imbere y’ubutabera.

Riti “  Ishyaka DGPR rirasaba Leta yu Rwanda kwihutishya  iperereza ricukumbuye nubwo hari intambwe yatewe kugirango abishe  Nyakwigendera Mutuyimana Anselme  bagezwe imbere y’Urukiko. Tukaba dusaba ko mu gihe hazaba urubanza rwazacirirwa aho icyaha cyabereye kugirango bibere urugero n’abandi baba bagifite umutima mubi wo kuvutsa abandi ubuzima.”

Umurambo wa Anselme Mutuyimana wasanzwe mu ishyamba rya Giswati. Yishwe  yari afite imyaka 30 y’amavuko. Mu mwaka wa 2018 ni bwo yari agisohoka muri gereza arangije igihano cy’igifungo cy’imyaka itandatu nyuma yo kumuhamya ibyaha byo kwangisha rubanda ubutegetsi buriho.

Izindi wakunda

Bwiza.com
error: Ntibyemewe