bwiza.com
Amakuru Politiki

New Zealand: Abantu 40 biciwe mu misigiti barashwe abandi barakomereka

Abantu bagera kuri 40 bishwe barashwe abandi 20 barakomereka mu gitero cy’iterabwoba cyagabwe kuri uyu wa gatanu mu misigiti ibiri itandukanye yo mu gihugu cya New Zealand nk’uko byemejwe na Minisitiri w’Intebe w’iki gihugu, Jacinda Ardern.

Minisitiri w’Intebe wa New Zealand, Yacinda Arden

Abantu bane bakekwaho kugira uruhare muri iki gitero, abagabo batatu n’umugore umwe, bari mu maboko y’abashinzwe umutekano, mu gihe hafashwe n’ibiturika byinshi byari mu modoka mu mujyi wa Christchurch.. Minisitiri w’Intebe wa Australia, Scott Morrison nawe akaba yemeje ko umwe mu bakekwa ari umuturage w’igihugu cye wahavukiye, yita iki gitero icy’ubuhezanguni.

Komiseri wa polisi, Mike Bush aragira inama abantu bose yo kwirinda kwegera imisigiti yose iri mu gihugu nk’uki iyi nkuru dukesha The Guardian ikomeza ivuga. Yabwiye abaturage bo mu Mujyi wa Christchurch ati: “Mufunge imiryango yanyu kugeza mwongeye kutwumva.”

Minisitiri w’Intebe wa New Zealand, Jacinda Arden we yagize ati: “Umwe mu minsi y’umwijima muri New Zealand.” Yavuze ko ibi bitero bitari byarigeze bibaho kuri uru rwego muri iki gihugu.

Amakuru aturuka muri iki gihugu akaba avuga ko ubuzima busa nk’ubwahagaze muri uyu mujyi, aho bivugwa ko amashuri n’inyubako za leta bifunze.

 

Izindi wakunda

Bwiza.com