bwiza.com
Ahabanza » Rich Mavoko yaciye igikuba ubwo yatangazaga ko umunsi we wa nyuma ugeze.
Imyidagaduro

Rich Mavoko yaciye igikuba ubwo yatangazaga ko umunsi we wa nyuma ugeze.

Icyamamare mu muziki muri Tanzania na Afurika y’iburasirazuba, Richard Mavoko yatangaje ko umunsi we wa nyuma w’ubuzima ugeze. Ubu ni ubutumwa yacishije ku rubuga rwa Instagram ku munsi w’ejo, tariki ya 14 Werurwe.

Abakunzi be n’abamukurikira ntibishimiye ubu butumwa. Abandi batekereje ko uyu muhanzi ari mu bihe bikomeye byatumye yandika ubu butumwa.

Batangiye kumugira inama yo kujya gusenga ibyo avuga ntibimubeho. Abandi bati ” Ubu butumwa busibe utaza kwikungurira.”

Hari n’abavuze ko ibibazo byose biterwa n’uko yiyomoye ku nzu ikora umuziki ya WCB, izwi nka Wasafi. Umwe muri bo yamusabye kugaruka muri iyi nzu iri mu biganza bya Diamond Platinumz, na we ukoreramo umuziki.

Mavoko yavuye muri Wasafi mu mwaka ushize, icyo gihe byatangiye guhwihwiswa ko yamaze kuvamo, icyakoze ibitangazamakuru byabimubaza akabihakana.

Gusohora indirimbo yise ‘Happy’ ku giti cye kandi itarakorewe muri iyi nzu byabaye ikimenyetso cy’uko ashobora kuba atakibarizwamo.

Ushaka kumenya byinshi kuri iyi ‘post’ ya Mavoko, fungura iyi link:

View this post on Instagram

Ni Siku Ya Mwisho Ya Maisha Yangu Yaliobaki … 🙏

A post shared by Richard Martin (@richmavoko) on

Izindi wakunda

Bwiza.com
error: Alert: Ntabwo byemewe!!