bwiza.com
Ahabanza » Ibyo u Rwanda rwoherezaga mu Burundi byagabanutseho 40% gusa ngo “ Si bibi nk’uko byari byitezwe.”
Amakuru Ubukungu

Ibyo u Rwanda rwoherezaga mu Burundi byagabanutseho 40% gusa ngo “ Si bibi nk’uko byari byitezwe.”

Minisiteri y’Imari n’Igenamigambi y’u Rwanda  itangaza ko iyo iki gihugu cyoherezaga mu Burundi byagabanutseho 40% ariko bikaba ari amahire kuko ngo bitari ku gipimo bari biteze.

U Rwanda rwari rusanzwe rwohereza mu Burundi ibicuruzwa bifite agaciro ka miliyoni 20 z’amadolari ya Amerika. Kuva umubano w’ibihugu byombi wazamba,imibare yo mu mwaka wa 2018 irerekana ko u Rwanda rwoherejeyo ibicuruzwa bifite agaciro ka miliyoni 12 z’amadolari gusa.

Dr Uzziel Ndagijimana uyobora iyi minisiteri yavuze ko biri amahire ko n’ibi bike byabashije kwinjira mu Burundi.

Ku rundi ruhande kandi ibicuruzwa u Burundi bwoherezaga mu Rwanda byaragabanutse. Imibare yerekana ko iki gihugu cyoherezaga ibicuruzwa bifite agaciro ka miliyoni 10 z’amadolari ya Amerika ariko imibare yo mu mwaka wa 2018, yerekana ko ubu cyohereza ibifite agaciro ka miliyoni 3.5 z’amadolari ya Amerika.

Mu kiganiro n’Abanyamakuru kuri uyu wa 14 werurwe 2019, Min. Ndagijimana yahurije hamwe ikibazo cy’ubucuruzi n’u Burundi n’icya Uganda.

Ati “ Ibyo tuvana muri Uganda bitunganirizwa mu nganda n’ibyo mu Burundi  nk’ibyo kurya, biraboneka  ahandi mu buryo bworoshye kandi byanakorerwa mu gihugu.”

Uretse kuba u Rwanda rudahagaze neza mu gukorana ubucuruzi n’ibi bihugu bituranyi, Ikigo cy’Igihugu cy’Ibarurishamibare na Minisiteri y’Ubukungu n’Imari batangaza ko umusaruro mbumbe w’igihugu wiyongereyo 8.6%

Igabanuka ry’ibicuruzwa bivuye mu Burundi byiganjemo imboga, imboga, amamesa n’injanga byagize ingaruka ku Banyarwanda.

Ikinyamakuru The East African cyakusanyije imibare mu 2015, cyerekanye ko igiciro cy’ibicuruzwa bivuye mu Burundi cyagiye cyikuba kabiri. Ibi ahanini byatumye ibi bicuruzwa byigonderwa n’umugabo bigasiba undi.

 

Izindi wakunda

Bwiza.com
error: Ntibyemewe