bwiza.com
Amakuru Politiki

ACP Theogene Nsengiyumva wari umwarimu muri NPC yitabye Imana

Polisi y’u Rwanda yatakaje umupolisi wo ku rwego rwa Komiseri wari umwarimu mu ishuri rikuru rya Polisi i Musanze( National Police College-NPC) Assistant Commissioner of Police Theogene Nsengiyumva.

Inshamake y’ubuzima bwa ACP Theogene Nsengiyumva

ACP Theogene Nsengiyumva, wari umwarimu mu ishuri rikuru rya Polisi i Musanze(NPC), Yavukiye mu Karere ka Burera, mu Ntara y’Amajyaruguru ku wa 1 Mutarama 1966. Yashakanye na Mukampunzi Anasitasie

Amashuri yize.

-Amashuri abanza yayigiye i Kigeyo/Rusororo

-Amashuri yisumbuye ayiga mu ishuri ryisumbuye ry’Abadiventiste i Gitwe

-Yize mu ishuri8 rikuru rya Gisirikare, ESM(Ecole Superieure Militaire)

-Yakoze amahugurwa atandukanye harimo nirihabwa aba officier bakuru(senior command course)

-Akaba apfuye yigaga muri kaminuza ya Kigali (University of Kigali) mu kiciro cya gatatu cya kaminuza.

Imirimo yakoze

Yigishije ku ishuri ribanza ryo ku Mugano

Mu mwaka wa 1991, yinjiye mu ngabo z’igihugu ku rwego rwa officier

Mu mwaka wa 2015, yimuriwe muri Polisi y’u Rwanda

Yitabye Imana afite imyaka 53, yavutse tariki ya 1 Mutarama 1966 atabaruka tariki 14 Werurwe 2019.

ACP Theogene Nsengiyumva yaguye mu bitaro byitiriwe Umwami Faisal tariki 14 Werurwe azize indwara y’umutima.

Commissioner of Police Christophe Bizimungu uyobora ishuri rikuru rya Polisi NPC wavuze mu izina rya Polisi ubwo bashyinguraga Nyakwigendera mu irimbi rya Rusororo mu karere ka Gsabo, yavuze ko Polisi ibuze umu officier wari ufite ubunararibonye; waranzwe no gukunda igihugu, ubwitange mu kazi, ubupfura,gukorana neza na bagenzi be ndetse no kuyobora neza abo ashinzwe.

Yagize ati:” Ntabwo byoroshye kubona amagambo yo kuvuga mu bihe nk’ibi.Mpagaze hano mu izina ry’ubuyobozi bwa Polisi y’igihugu ngira ngo no ngere kwihanganisha Umuryango wa nyakwigendera ACP T Nsengiyumva,umuryango mugari wa Gisirikare n’uwa Polisi y’u Rwanda, abavandimwe, inshuti muri hano nabatabashije kugera hano.”

Yongeyeho ko ACP T Nsengiyumva agiye mu buryo butunguranye cyane. Asize icyuho, ariko nk’abavandimwe; nk’inshuti, bafite inshingano zo kuziba icyo cyuho.

CP Bizimungu yasoje avuga ko Polisi ikomeje kwihanganisha umuryango wa Nyakwigendera no kuwizeza ko izakomeza kuwuba hafi uko bishoboka.

 

Izindi wakunda

Bwiza.com
error: Alert: Ntabwo byemewe!!