bwiza.com
Ahabanza » Mobetto yahaye gasopo uwamubazaga iby’indezo ahabwa na Diamond
Amakuru Imyidagaduro

Mobetto yahaye gasopo uwamubazaga iby’indezo ahabwa na Diamond

Umunyamideli Hamisa Mobetto wo muri Tanzania, yihanije uwamubazaga amakuru avuga ko Diamond Platnumz babyaranye, yahagaritse indezo yamugeneraga buri kwezi yo kwita ku mwana wabo.

Amakuru akomeje gukwirakwizwa ku mbuga nkoranyambaga, avuga ko kuva muri Kanama umwaka ushize, Diamond na Hamisa batakivugana bitewe n’ibyo Diamond yatangaje ko yashatse [Hamisa] kumuroga yifashishije amapfumu.

Ibi ngo nibyo byaba byarabaye intandaro yo kutongera guhura imbonankubone hagati yabo [Hamisa & Diamond] bityo ngo n’indezo ihagarara kuva ubwo.

Ubwo umunyamakuru wa Global Publishers yamubazaga niba koko iyo ndezo yarahagaze, Hamisa yamusubije agira ati “None, Niba yarahagaritse indezo yo kwita ku mwana we? Wowe ita ku bikureba ureke kwivanga mu bibazo by’umuryango wanjye”.

Muri Gashyantare 2017, nibwo Hamisa yagiranye ibibazo na Diamond amwaka indezo y’umwana babyaranye biba na ngombwa ko bitabaza inkiko. Byaje kwemezwa ko Diamond azajya atanga amafaranga yo kwita ku mwana ndetse biza no gutangazwa ko yamuguriye inzu.

Bitangazwa ko Diamond aba agomba guha Hamisa ibihumbi 230 by’amashilingi ya Tanzania yo kwita ku mwana w’umuhungu witwa  Dylan, babyaranye.

Hamisa Mobetto ni umubyeyi w’abana babiri, umwe yabyaranye n’umugabo bakundanye mbere y’uko abyarana n’umuhanzi Diamond wanamukoresheje mu mashusho y’indirimbo ‘Salome’.

Diamond ateruye Dylan, umwana yabyaranye na Hamisa

Izindi wakunda

Bwiza.com
error: Alert: Ntabwo byemewe!!