bwiza.com
Ahabanza » Ubwongereza bwashyira igitutu kuri Uganda ikareka gukorana na FDLR na RNC- Amb.Nduhungirehe
Amakuru Politiki

Ubwongereza bwashyira igitutu kuri Uganda ikareka gukorana na FDLR na RNC- Amb.Nduhungirehe

Umunyamabanga wa Leta muri Minisiteri y’Ububanyi n’Amahanga, Ubutwererane n’Ibikorwa by’Umuryango wa Afurika y’Iburasirazuba, Amb. Nduhungirehe Olivier, avuga ko u Rwanda rudakeneye umuhuza hagati yarwo na Uganda. Avuga ku Bwongereza, yashimangiye ko uruhare bwagira ari iyo gushyira igitutu kuri Uganda akareka gukorana n’imitwe irwanya Leta y’u Rwanda no kurekura Abanyarwanda bafungiyeyo.

Kuri uyu wa Kabiri tariki ya 26 Werurwe 2019, ubwo Nduhungirehe yasubizaga ubutumwa bwacishije ku rukuta rwa Twitter rw’ikinyamakuru The Chronicles, bwagiraga buti “Ubwongereza bwanezezwa no gutanga ubufasha bwo guhuza mu makimbirane ari hagati y’u Rwanda na Uganda”; yavuze ko u Rwanda rudakeneye umuhuza.

Yagize ati “U Rwanda ntabwo rukeneye uruhuza na Uganda,…. Niba Guverinoma y’Ubwongereza ishaka gufasha, yakagombye gushyira igitutu kuri Kampala ikarekura amagana y’Abanyarwanda bafunzwe mu buryo batagerwaho muri kasho za CMI mu gihe cy’imyaka igera kuri ibiri no kureka gushyigikira FDLR na RNC”.

Mu kiganiro aherutse kugirana na Flash Tv, nabwo Amb.Nduhungirehe yavuze ko u Rwanda rudakeneye umuhuza, agashimangira ko Uganda ariyo nyirabayazana, ko mu gihe yaba yakemuye ibyo u Rwanda ruyishinja, umubano wasubira kuba mwiza.

Yagize ati “[…]Hari ikintu gisa nk’ikiriho cyo kureshyeshya,… Kuvuga ngo nihaze umuhuza nkaho hari abantu babiri bafitanye ibibazo batumvikanaho, barakaranyije kugira ngo akemura ibibazo, ntabwo ari uko bimeze . Nta n’umwe witwa umuhuza ngo Perezida Kagame ajye hariya, Perezida Museveni ajye hariya nkaho bose bareshya, nkaho hari ikibazo nk’icyo ngicyo gihari, ikibazo gihari ni ikigomba gukemurirwa muri Uganda”.

Guverinoma y’u Rwanda ishinja Uganda, kwica, gufungwa ,gushimuta ndetse no gukorera iyicarubozo Abanyarwanda babayo; gufatira ibicuruzwa biva mu Rwanda byoherejwe mu mahanga, gushyigikira imitwe irwanya Leta y’u Rwanda, irimo (RNC, FDLR,… ). Ibi Leta ya Uganda ikabihakana.

 

Izindi wakunda

3 Ibitekerezo

Rukundor 26/03/2019 6:36 pm at 6:36 pm

Abayobozi Bi Bugande Nibitonde Bazabaze Uko Ruteye. Nibo Bazabihomberamo Kuko yaba FDRL yaba RNC bose bazi imbaraga zu rwanda.Uhishira Umurozi Akakumaraho Urubyaro .

Subiza
Rebero Jeremy 26/03/2019 6:53 pm at 6:53 pm

Reka tuzabanze tumenye imiterere y’ikibazo. Ni bande bafungiwe muri Uganda? Abafashwe benshi biyitaga impunzi uretseko iyo bashubijwe ku mupaka bavugako bahohotewe bagiye gusura abavandimwe! Tekereza noneho Perezida Kagame avugako yandikiwe na nyakwigendera nyina wa Rene Rutagungira amusaba kuvuganira umuhungu we kandi uwo Rutagungira yarafite ibyangombwa bya Uganda. Niba Uganda ifashe umuturage wayo wanishyize mu gisilikari cy’ikindi gihugu, u Rwanda rufite ubuhe burenganzira bwo kubuveba? Byonyine Rutagungira ni umugande kandi amakosa bamushinja yakorewe muri Uganda. Ikindi, ntabwo Uganda yafunze umupaka. Nta ngabo cyanga ubutegetsi bwa Uganda buhiga abenegihugu bashatse kujya mu Rwanda ariko abanyarwanda barakubitwa, baramburwa ukurikije ibyavuzwe mu binyamakuru. Aho gushyira igitutu kuri Uganda, benshi bakeka igitutu gikwiye gushyirwa ku Rwanda!

Subiza
Perezida Tshisekedi arizera ko u Rwanda na Uganda bitazagera aho kurwana – bwiza.com 27/03/2019 10:50 am at 10:50 am

[…] Inkuru bifitanye isano: Kanda hano uyisome […]

Subiza

Tanga Igitekerezo

Bwiza.com