bwiza.com
Ahabanza » KU MUNSI NK’UYU: Amwe mu mateka yaranze tariki ya 27 Werurwe ku isi yose
IBYEGERANYO

KU MUNSI NK’UYU: Amwe mu mateka yaranze tariki ya 27 Werurwe ku isi yose

March 27.

Mbahaye ikaze mu cyegeranyo ‘Ku Munsi nk’Uyu’ kivuga ku mateka y’ingenzi yaranze isi kuri buri tariki. Ngewe ugitegura nitwa Tuyizere Jean de Dieu.

Iki cyegeranyo kandi kizajya gikomoza ku byaranze isi harimo ibikorwa bitandukanye byakozwe n’ibyamamare muri politiki, abaturage ubwabo, imyidagaduro, ubukungu n’izindi ngeri. Hari ibyaranze ibihugu bikomeye ku isi mu bihe byatambutse; ibi na byo ni ngombwa kubimenya.

Buri munsi, mu mwaka runaka, tuzajya tubabwira uko byagenze mu mateka y’isi.

KU MUNSI NK’UYU, tariki ya 27 Werurwe 1802 kugeza mu 1998

1802: Amasezerano y’amahoro yasinyiwe mu mugi wa Amiens, agamije gushyira akadomo ku ntambara y’imyigaragambyo mu Bufaransa(French Revolutionary War).

1884: Telefone yari muri Boston igahamara muri New York ni yo yari ihamagaye kure mu mateka.

1899: Radio mpuzamahanga yavugiye bwa mbere mu Bufaransa no mu Bwongereza.  Iyi yakozwe n’umutaliyani witwaga Guglielmo Marconi.

1907: Ingabo z’Abafaransa zafashe agace ka Oudja muri Marocc nyuma yo kubicira Umufaransa, Dr Muchamp.

1933: Abantu bagera ku 55,000  barahagurutse bakorera imyigaragambyo irwanya igitugu cya Adolph Hitler muri New York.

1958: Amerika yatangaje gahunda yo gukora urugendo hafi y’ukwezi.

1988: Icyogajuru cy’ubwirinzi bw’ibisasu bya kirimbuzi cya USA cyageze mu kirere nticyakora.

1997: Abakozi bo mu Burusiya  bagera kuri miliyoni ebyiri bakoze imyigaragambyo basaba kwishyurwa amafaranga batahembwe.

1998: Ibihugu byari bizwiho gukora indege nyinshi za gisivile birimo : Ubufaransa, Espagne, Ubudage n’Ubwongereza byemeranyije umushinga wo gukorera indege hamwe na kompanyi y’ubwirinzi.

 

Izindi wakunda

Bwiza.com
error: Ntibyemewe