bwiza.com
Ahabanza » Amerika yishimiye uruzinduko Perezida Tshisekedi agiye kugirirayo
Amakuru Politiki

Amerika yishimiye uruzinduko Perezida Tshisekedi agiye kugirirayo

Official portrait of President Donald J. Trump, Friday, October 6, 2017. (Official White House photo by Shealah Craighead)

Leta Zunze Ubumwe za Amerika zishimiye urugendo Perezida wa Repubulika Iharanira Demokarasi ya Congo, Felix Tshisekedi ateganya kugirrayo mu Cyumweru gitaha.

Nk’uko byatangajwe na Ambasaderi wa Amerika muri Repubulika Iharanira Demokarasi ya Congo, Mike A. Hammer, ngo uruzinduko rwa mbere Perezida Tshisekedi agiye kugirirayo, ruzagira ingaruka nziza ku baturage b’igihugu cye ndetse runashimangire umubano ibihugu byombi bifitanye.

Yagize ati “Uruzinduko rwa Perezida Tshisekedi ni amahirwe yo gusuzuma inyungu zacu rusange mu kurwanya ruswa, kubahiriza uburengenzira bw’ikiremwamuntu, amavugurura mu birebana na serivisi z’ubuzima n’ uburezi by’abaturage ba Congo. Amavugurura mu birebana n’umutekano ndetse no gushakira imirimo abanye Congo hakururwa abashoramari”.

Hammer, avuga ko Amerika ishima ingamba Perezida Tshisekedi yafashe mu gusubiza ibyifuzo by’abaturage, harwanywa ruswa, gushyiraho urubuga rwa Demokarasi ndetse no gusigasira uburenganzira bw’ikiremwamuntu.

Nk’uko Radiyo Okapi ibitangaza, M. Hammer avuga ko Amerika yiteguye gutera inkunga imishinga ya Perezida Tshisekedi igamije guhindura imibereho y’abaturage ba Congo.

Ati “Uruzinduko rwe ruzakomeza ubufatanye bushingiye ku ndangagaciro ndetse n’inyungu ku mpande zombi, Amerika inejejwe no gukorana na Tshisekedi[…]”.

Perezida Tshisekedi umaze amezi atatu ku butegetsi, uru ni uruzinduko rwe rwa mbere agiye gukorera hanze y’umugabane wa Afurika. Akazaba ari muri Amerika ku itariki ya 3 kugera ku ya 4 Mata 2019.

 

Izindi wakunda

Bwiza.com
error: Alert: Ntabwo byemewe!!