bwiza.com
Ahabanza » KU MUNSI NK’UYU: Amateka y’ingenzi yaranze tariki ya 28 Werurwe.
Amateka IBYEGERANYO

KU MUNSI NK’UYU: Amateka y’ingenzi yaranze tariki ya 28 Werurwe.

Twongeye kubaha ikaze mu cyegeranyo cyacu cya buri munsi, “Ku Munsi nk’Uyu”. Muracyari kumwe na Tuyizere Jean de Dieu.

Uyu munsi, tariki ya 28 Werurwe, turabagezaho amateka y’ingenzi yawuranze kuva mu 1799 kugeza mu 2017.

1799: Leta ya New York yakuyeho ubucakara.

1804: Ohio yashyizeho itegeko ribuza abirabura kwinjira.

1854: Ubwongereza n’Ubufaransa byafashe umwanzuro wo kugaba igitero ku Burusiya mu ntambara ya Crimean.

1866: Imodoka ya mbere y’ubutabazi yo kwa muganga izwi nka “Ambulance” yatangiye gukora.

1891: Irushanwa ry’abaterura ibiremereye rya mbere ryarabaye, ritwarwa n’Umwongereza, Edward Lawrence.

1904: Ingabo z’Abayapani zageze mu gace ka Chengui gaherereye muri Koreya (iki gihe Koreya ntiyari yagacitsemo ibice bibiri), zihaneshereza iz’Abarusiya, zigarurira uyu mugi.

1917: Abayobozi ba Turkiya birukanye Abayawudi mu mugi wa Tel Aviv na Jaffa muri Israeli.

1930: Umugi wa Constantinople na Angora yo muri Turkiya yahinduriwe amazina, umwe witwa Istanbul undi uba Ankara n’uko ikurikiranye.

1942: Ingabo zo mu mazi z’Abongereza zigaruriye agace kitiriwe Mutagatifu Nazaire, aka gace kari mu biganza by’Aba-Nazi.

1946: Leta Zunze Ubumwe z’Amerika zasohoye raporo ikubiyemo gahunda yo kugenzura imikoreshereze y’intwaro za kirimbuzi. Iyi raporo yiswe “Achison Lilienthal Report”.

1960: Papa Yohana yashyizeho aba-cardinali ba mbere baturutse mu Buyapani, Afurika na Philipine.

1962: Perezida wa Syria, Nazim al-Kudsi yarahunze nyuma yo guhirikwa ku butegetsi n’ingabo z’igihugu.

1967: Umunyamabanga Mukuru w’Umuryango w’Abibumbye (ONU/UN), U Thant yasabiye amahoro Vietnam.

1970: Abantu 1,086 baburiye ubuzima mu mutingito wabereye muri Turkiya, ku mbaraga za 7.4.

1981: Ubufaransa bwakoze igerageza ry’ibisasu bya kirimbuzi byabwo.

1994: Aba-Zulu bitwaje intwaro bakoze imyigaragambyo mu mugi wa Johannesburg, muri Afurika y’Epfo. Muri bo, 53 bahasize ubuzima.

2013: Abigaragambya 143 n’abasirikare ba leta 20 bapfiriye muri Pibor ho muri Sudani.

2013: Abanyeshuri 15 barapfuye, abandi 7 bakomerekera mu gitero cy’ubwiyahuzi cyagabwe muri Kaminuza ya Damascus, Syria.

2014: Uburusiya bwongereye ibiciro bya ‘gaz’ muri Ukraine ku kigero cya 80 %.

2017: Leta Zunze Ubumwe za Amerika zemeje ko ari zo zagabye igitero cy’indege muri Mosul/Iraq. Iyi ndege yasenye inzu, itwara ubuzima bw’abantu 100.

2017: Habonetse aho inyamaswa ya Dinosaur yakandagiye hareshya na metero 1.7 muri Kimberey ho muri Australia. Ubushakashatsi buvuga ko iki kirenge cy’iyi nyamaswa ari cyo kirekire kurusha ibindi byabonetse.

Izindi wakunda

Bwiza.com
error: Ntibyemewe