bwiza.com
Imikino

Sarpong afashije Rayon Sports kwihimura kuri mukeba wayo Kiyovu sports

Rutahizamu wa Rayon Sports Michael Sarpong yatsinze igitego gifashije Rayon Sports gutsinda mukeba wayo Kiyovu sports mu mukino w’ikirarane wari wahuje amakipe yombi.

Wari umukino w’ikirarane kubera ko abakinnyi b’impande zombi bari bitabiriye imikino y’ikipe y’igihugu “Amavubi”.

Uyu mukino wabereye kuri stade ya Kigali I Nyamirambo warangiye Rayon sports itsinze igitego kimwe ku busa bwa Kiyovu sports.Akaba ari igitego cyansinzwe na rutahizamu wa gikundiro Michael Sarpong mu gice cya kabiri cy’umukino.

Igice cya mbere cyarangiye amakipe yombi anganya ubusa ku busa .Gusa mu gice cya kabiri Rayon Sports yaje isatira mu buryo bukomeye ndetse ikarusha Kiyovu sports mu buryo bugaragara.

Rayon sports yaje muri uyu mukino ishaka kwihimura kubera ko umukino ubanza Kiyovu sports yari yatsinze Rayon Sports ibitego bibiri kuri kimwe(2:1). Amakipe yombi yari yivuze ibigwi mbere y’umukino ariko byarangiye abakunzi ba Rayon Sports bamwenyura.

Aya manota atatu Rayon Sports ibonye, arayifasha gukomeza konsa igitutu mukeba wayo APR FC mu rugamba rwo guhatanira igikombe cya Shampiyona 2018/2019. Kugeza ubu ikipe y’ingabo z’uRwanda niyo yicaye ku ntebe y’icyubahiro.

Nyuma y’iyi nsinzi Rayon sports yafashe umwanya wa kabiri n’amanota 47. Ikipe ya Mukura iza ku mwanya wa 3 n’amanota 44 . Kiyovu sports igumye mwanya wa 4 n’amanota 35. Ikipe iri ku mwanya wa nyuma ni Amagaju n’amanota 15.

Nkurunziza Viateur @ Bwiza.com

Izindi wakunda

Bwiza.com
error: Alert: Ntabwo byemewe!!