bwiza.com
Ahabanza » Menya impamvu Papa Fransisiko atagishaka ko abantu basoma impeta ye
Amakuru Iyobokamana

Menya impamvu Papa Fransisiko atagishaka ko abantu basoma impeta ye

Papa Fransisiko muri iki gihe ariko kugerageza guca abayoboke ba Kiliziya Gaturika ku muco wo gusoma impeta ye atinya ko bazayikuraho microbe nk’uko byatangajwe na Vatican kuri uyu wa Kane nyuma ya video imaze iminsi ikwirakwizwa yerekana Papa asubiza inyuma ukuboko kwe mu gihe hari ushatse gusoma impeta yye nk’uko byari bisanzwe bikunda kugenda.

Ni amashusho yafashwe kuwa Mbere ushize ubwo yasuraga agasozi ko mu Butaliyani kitwa Loreto ahari hateraniye abantu baboneyeho no kumusuhuza.

Mu gihe bamwe ngo bunamaga gusa bakanamusuhuza, abandi bageragezaga no kunama ngo basome impeta ye ariko akanga agasubiza akaboko inyuma amwenyura.

Alessandro Gisotti, Umuvugizi wa Vatican kuri uyu wa Kane yagize ati: “Papa yambwiye impamvu atemereye abantu gusoma impeta ye yari ukubera isuku.. kwanga kwanduza mu gihe hari umurongo muremure w’abantu,”

Uyu yakomeje avuga ko Papa we ku giti cye akunda guhobera abantu.

Video igaragaza ukuntu Papa yangaga ko basoma impeta ye yashyizwe kuri internet irebwa n’abantu benshi cyane kuri twitter , aho nyuma ya saa sita kuri uyu wa Kane yari imaze kurebwa n’abasaga miliyoni 11.

Reba iyo video hasi hano

Ibi rero ntibyavuzweho rumwe na bamwe mu batsimbarara ku mahame y’Idini Gaturika bamushinja gushaka koroshya ibintu agakabya.

Vatican ariko yo iragira inama abayoboke no kureka kujya bapfukama imbere ya Papa bivugwa ko adakunda iyi migenzo.

Ese Papa Fransisiko yaba yaramenye ko Icyubahiro ari icy’Imana ari nayo ikwiye gupfukamirwa?

Izindi wakunda

Bwiza.com