bwiza.com
Ahabanza » Nyabihu: Abari bitwaje imihoro n’udufuni batemye abantu babiri
Amakuru Umutekano

Nyabihu: Abari bitwaje imihoro n’udufuni batemye abantu babiri

Abantu bataramenyekana bari bitwaje intwaro zirimo imihoro n’udufuni bagabye igitero ku Rwunge rw’Amashuri rwa Jenda (G.S Jenda) riherereye mu karere ka Nyabihu, Intara y’Iburengerazuba, batema umuzamu n’umutetsi.

Ni igitero bagabye mu ijoro ryo ku wa Kane rishyira iryo ku wa Gatanu tariki ya 29 Werurwe 2019, ubuyobozi bw’Umurenge bwemera aya makuru bugatangaza ko hari umwe wafashwe ucyekwa.

Umunyamabanga Nshingwabikorwa w’Umurenge wa Jenda, Kampire Georgette aganira na Igihe, yemeje aya makuru, akavuga ko ari abantu batandatu bagabye igitero, bahangana n’umuzamu n’abatetsi batatu.

Yagize ati “Bateye ari abantu batandatu bitwaje imihoro n’udufuni, umuzamu arabarwanya baramutemagura bikabije, umutetsi aza atabaye na we bamutemagura mu maso. Mugenzi we uteka na we aje baramukubita gusa we abasha gucika ariruka”.

Indi nkuru y’ubugizi bwa nabi i Nyabihu: Kanda hano uyisome

Babiri bakomeretse bikomeye nyuma yo gutemwa ngo barimo kwitabwaho n’abaganga kuri poste de sante ya Jenda. Uwitwa Kazungu ucyekwaho ibyo bikorwa, akaba yatawe muri yombi.

Umwe mu batemwe ngo ntabasha kuvuga

 

 

Izindi wakunda

Bwiza.com