bwiza.com
Ahabanza » KU MUNSI NK’UYU: Amateka y’ingenzi yaranze uwa 30 Werurwe
Amateka IBYEGERANYO

KU MUNSI NK’UYU: Amateka y’ingenzi yaranze uwa 30 Werurwe

Mbahaye ikaze mu cyegeranyo cyacu kuri uyu wa 30 Werurwe, umunsi nifuza ko wababera mwiza. 

Aya ni yo mateka yaranze uyu munsi ubanziriza uwa nyuma wa Werurwe:

2013: Uhuru Kenyatta yemejwe n’urukiko rw’ikirenga ko ari we watsinze amatora y’umukuru w’igihugu.

2012: Ubuyapani bwarirahiye buvuga ko Koreya ya Ruguru nigerageza igisasu cyayo kikagwa ku butaka bwabo, batazatinda kukirasa. Ibi na Koreya y’Epfo yari yabivuze mu cyuweru cyari cyashize.

2012: Muri Amerika habaye tombora yanditse amateka yo kuba ari yo yashowemo amafaranga menshi. Iyi tombora yashowemo amadolari miliyoni 640(640,000,000).

2010: Igitero cy’ubwiyahuzi ku nzira ya gali ya moshi iri munsi y’ubutaka(metro) i Moscow mu Burusiya. Igisasu cyaturikijwe cyatwaye ubuzima bw’abantu 38, abandi barenga 60 barakomeretse.

2002: Umugabekazi w’Ubwongereza, Elizabeth yasezeye ku isi(yarapfuye).

1981: Umukuru w’igihugu cya Leta Zunze Ubumwe za Amerika, Ronald Reagan yararashwe.

Umugabo wamurashe bivugwa ko yari afite ikibazo cyo mu mutwe, yavuze ko yarashe Reagan kugira ngo abe icyamamare.

1976: Ibihumbi by’abanya-Palestine bigaragambirije ubutaka bari barambuwe na Israel. Muri iyi myigaragambyo, hapfuyemo 6 abandi benshi barakomereka mu gihe igipolisi cyabasubizaga inyuma.

1968: Icyamamare mu muziki wiganjemo Igifaransa, Celine Dion yavukiye mu mugi wa Quebec muri Canada.

1965: Vietnam: Mu ntambara yaberaga muri iki gihugu, imodoka yari itezemo igisasu yaturikiye imbere ya ambasade ya Leta Zunze Ubumwe za Amerika muri Saigon, 22 bahasiga ubuzima, abandi 183 barakomereka.

1963: Ubufaransa bwakoze igerageza ry’ibisasu munsi y’ubutaka muri Algeria.

1870: Itegekonshinga rya Amerika ryaravuguruwe, riha amoko ayo ari yo yose uburenganzira bwo gutora.

1867: Leta Zunze Ubumwe za Amerika zaguze n’Uburusiya agace Alaska ku madolari miliyoni 7.2($7,200,000).

1858: Ikaramu y’igiti yometsweho agahanaguzo.

Izindi wakunda

Bwiza.com