bwiza.com
Ahabanza » Amwe mu mateka yaranze uyu munsi: Abanazi batangiye kwica Abayahudi.
Amateka IBYEGERANYO

Amwe mu mateka yaranze uyu munsi: Abanazi batangiye kwica Abayahudi.

Mbahaye ikaze na none mu cyegeranyo gishungiye ku mateka “KU MUNSI NK’UYU”, kibagezaho amateka yaranze isi kuri buri tariki.

Uyu ni umunsi wa 91 mu 2019. Ni umunsi mpuzamahanga w’ubujiji cyangwa se ubucucu(Fool’s Day), umunsi w’imkino, aho umuntu ashobora kukubeshya ngo mu rugo bagusuye kandi bitigeze biba. Umuntu babeshye cyangwa uwabeshye bamwita ‘Injiji ya Mata’.

Reka turebe amateka yaranze iyi myaka kuva mu 1778 kugeza mu 2009.

1778: Oliver Pollock wari umucuruzi yahimbye ikimenyetso cy’idolari ry’Amerika ‘$’.

1924: Adolf Hitler yakatiwe igifungo cy’imyaka itanu azira kuyobora igitero cyo guhirika ubutegetsi bwariho, ariko amaramo muri gereza amezi 9 gusa. Ibi bikorwa byo guhirika ku butegetsi byakozwe n’ishyaka ry’Abanazi kuva ku wa 8 Ugushyingo kugeza ku wa 9 Ugushyingo 1923.

1931: Umutingito washegeshe Nicaragua, utwara ubuzima bw’abantu bagera ku 2000.

1933: Abanazi batangiye kwica Abayahudi mu Budage. Iki gihe batangiye no kubafungira ubucuruzi.

1941: Abaturage b’abanya-Romania hagati ya 200 n’2000 bishwe n’ingabo z’aba-Soviete zarindaga umupaka.

1946: Umutingito wabaye intandaro ya Tsunami watwaye ubuzima bw’abantu 159 muri Hawaii.

1956: Amahane yabereye muri Algeria yaguyemo abantu 380.

1979: Iran yabaye repubulika ya Kiislamu ku majwi 99% y’abatoye. Ni amatora yabaye tariki ya 30 na 31 Werurwe, uyu mwaka, ibyavuyemo bigaragara tariki ya 1 Mata.

1984: Icyamamare mu muziki muri Amerika, Marvin Gaye yarashwe na se, bimuviramo urupfu. Gaye yarashwe mu gihe yashwanaga na se, Marvin Gaye Senior. Yagise yoherezwa mu bitaro bya California ariko nyuma bitangazwa ko yapfuye.

2001: Ubuholandi bwemeje ko gushyingirwa kw’abahuje ibitsina byemewe n’amategeko. Ni cyo gihugu cya mbere cyabyemeje.

2002: Ubuholandi bwemeje ko kwica umuntu ubabajwe n’uburwayi cyangwa ufite integer nke z’ubusaza byemewe n’amategeko. Ibi na byo ni cyo gihugu cya mbere cyabikoze.

2004: Google yafunguye urubuga rwa Gmail.

2009: Croatia na Albania byinjiye mu muryango wa NATO/OTAN.

Izindi wakunda

Bwiza.com
error: Alert: Ntabwo byemewe!!