bwiza.com
Ahabanza » CHUK: Abaganga bavuga ko hari ababura ubuzima kubera ubuke bw’ababaga indwara zo mu mutwe
Amakuru Ubuzima

CHUK: Abaganga bavuga ko hari ababura ubuzima kubera ubuke bw’ababaga indwara zo mu mutwe

Umuganga mu Bitaro bya Kaminuza bya Kigali (CHUK), Dr Munyaneza Severien, avuga ko baha gahunda umurwayi wa kanseri yo mu mutwe cyangwa ufite ubundi burwayi bwo mu mutwe n’imyakura, igihe cyo kumuvura cyagera bamuhamagara bagasanga yarapfuye.

Dr MUnyaneza avuga ko ibi bitaro nta bushobozi bifite bwo kubaga indwara zo mu mutwe ngo babarangize ndetse ko bamwe mu bahabwa nimero za kure, bagerwaho batakiri kuri iyi.

Yagize ati “Kuvura ubwo burwayi bifata umwanya munini, umurwayi umwe ashobora kubagwa umunsi wose, umubare ni munini, hari igihe bibaho umurwayi uri kuri lisiti waba ubonye umwanya wo kumuhamagara ugasanga ntakiriho, bijya bibaho”.

FLash Tv itangaza ko Ibitaro bya CHUK bibaga abagera kuri bane mu cyumweru kimwe mu gihe abategereje bagomba kubagwa bagera kuri 200. Umuryango Rwanda Legacy of Hope, ufitanye amasezerano na Minisiteri y’Ubuzima y’ubufatanye mu kubaga izi ndwara zo mu mutwe n’izindi zitandukanye wemeza ko hakiri icyuho muri iki gice cy’ubuvuzi.

Umuyobozi mukuru w’uyu muryango, Reverand Ntavuka Osée avuga ko kubera ubukwe bw’abaganga abarwayi ari benshi, ariyo mpamvu yazanye iri tsinda ngo ribashe kureba uko ryabagabanya.

Ati “Maze kubona ko hari gap bitewe n’abaganga bahari kandi mfite ubushobozi bwo kubona abaganga kugira ngo baze babafashe, niyo mpamvu nahisemo gushaka abaganga babaga mu mutwe. Twari hano umwaka ushize n’ubu twagarutse ndetse turateganya kugaruka mu kwezi kwa Cyenda tuzanye abandi bageze kuri bane”.

Umurwayi ufite ubwisungane mu kwivuza bwa Mituelle de Sante, ngo ashobora kwishyura amafaranga y’u Rwanda ari hagati y’ibihumbi 100 na 150. Naho ufite ubushobozi bwo kujya kwivuza hanze ngo yishyura agera ku bihumbi 20 by’amadolari ya Amerika.

 

Izindi wakunda

Bwiza.com
error: Alert: Ntabwo byemewe!!