bwiza.com
Ahabanza » Papa Francis arasaba abafana ba Lionel Messi kutamugereranya n’Imana
Imikino

Papa Francis arasaba abafana ba Lionel Messi kutamugereranya n’Imana

 

Umushumba wa Kiliziya Gatorika ku isi Papa Francis, arasaba abafana ba rutahizamu wa FC Barcelona Lionel Messi kureka kumugereranya n’Imana.

Ubwo Papa Francis yaganiraga na televiziyo ya ‘Spanish TV’ , mu kiganiro cyitwa ‘Salvados ‘ yabajijwe n’umunyamakuru niba ashobora kwita Lionel Messi Imana nk’uko bamwe mu bafana bamwita Imana y’umupira w’amaguru.

Papa Francis yamusubije agira ati’’ Kugereranya Messi n’Imana ntabwo ari byiza. Ndatekerezako abafana bagomba kumenya uburyo bwiza bwo gukoresha ijambo Imana’’

Yakomeje avuga ko abantu benshi bakoresha ijambo Imana uko bashatse. Aho bamwe bakunze kuvuga ngo ‘ndagukunda cyane’. Iri jambo ryatumye abantu barifata nk ’irisanzwe bakavuga bati’’ Messi ni Imana y’umupira w’amaguru’’. Gusa papa Francis we, asanga kubivuga ari imyitwarire idahwitse kandi ntibyemewe.

Uyumukinnyi w’icyamamare ku isi ndetse na papa Francis bombi bavukiye mu gihugu cya Argentine .Lionel Messi akaba amaze kwegukana imipira ya zahabu ( Ballon d ‘Or) inshuro eshanu. Papa akaba yasoje ikiganiro asaba urubyiruko gukunda umupira w’amaguru.

Nkurunziza Viateur Bwiza.com

Izindi wakunda

Bwiza.com