bwiza.com
Ahabanza » Burundi: Pasiteri yatawe muri yombi azira kuvuga ko ikipe y’igihugu itazigera itsinda muri CAN
Imikino

Burundi: Pasiteri yatawe muri yombi azira kuvuga ko ikipe y’igihugu itazigera itsinda muri CAN

Umuyobozi w’itorero rya Faith Practice Miracles, Kayihura Modeste uzwi nka Prophete Modeste, yatawe muri yombi n’inzego z’umutekano nyuma yo kuvuga ko ikipe y’igihugu y’umupira w’amaguru mu Burundi nta mukino n’umwe izatsinda mu irushanwa rihuza ibihugu by’Afurika, CAN kubera ko abakinnyi batamuhaye icya 10 cy’amaturo.

Ibi yabitangaje kuri uyu wa 2 Mata abitewe n’uko ngo “Abakinnyi bo mu ikipe y’igihugu bahawe ishimwe n’umukuru w’igihugu, Pierre Nkurunziza ariko ntibaturira Imana kimwe mu icumi cy’amaturo.” Iyi ni inkuru dukesha ikinyamakuru gikorera muri iki gihugu, Indundi.

Iki kinyamakuru kiravuga ko kuri Radio Buja FM, Pasiteri Modeste yavuze ko aba bakinnyi batamugejejeho aya maturo, batazigera banitabira iri rushanwa.

Ubwo yavugaga abakinnye na Gabon ubwo bakatishaga itike yo gukina imikino ya CAN mu Misiri, uyu mwaka.
Mu magambo yavuze yiyita umuhanuzi, ashingira ko ubushize yari yavuze ko Uburundi bunganya na Gabon bikaba, yagize ati:

“Abakinnyi batagize icyo bampa nta kipe n’imwe bazatsinda muri CAN. Intamba mu Rugamba zitibutse ngo zisubire aho zakuye insinzi, ndashaka ko zihasubira. Ibyo basabye barabihawe, ubwo rero umukozi w’Imana arabategereje ngo abongerere amavuta. Umuhanuzi ahanura yariye(ahaze).” Modeste.

Pasiteri Modeste yavuze ko nibitaba bityo, bakabirengaho hazaza abandi bakinnyi bashya batari abakinnye. Aha ngo ni ho intandaro yo gutsindwa izaturuka. Yanarahiye kandi avuga ko iyi kipe ninganya nibura, bazavuge ko atari umuhanuzi.

Nyuma yo gutangaza aya magambo, inzego z’umutekano zamutaye muri yombi mu murwa mukuru, Bujumbura.

Izindi wakunda

1 Igitekerezo

CUNEGONDE 04/04/2019 9:17 am at 9:17 am

Uyu ni umusuma, ni inde yamubwiy ko ikigitacumi mukugitanga categerezwa guca kuri eglise yiw?? Ko ikigira cumi ari ic’imana bagitanze kuyindi eglise imana ntibona ko vyabay. Nafungwe ni umu escro areke no guteza ububwa abandi bakozi b’Imana

Subiza

Tanga Igitekerezo

Bwiza.com
error: Alert: Ntabwo byemewe!!