bwiza.com
Ahabanza » Umusore dukundana namuhishuriye ko nkiri isugi none byamubujije amahoro- NKORE IKI?
Amakuru Urukundo

Umusore dukundana namuhishuriye ko nkiri isugi none byamubujije amahoro- NKORE IKI?

Nitwa Uwera, nkaba ndi umukunzi w’ikinyamakuru cyanyu, mu by’ukuri iwacu ni mu Burasirazuba akarere ni Gatsibo. Ndi umukobwa w’imyaka 27, nkaba mfite umusore tumaranye imyaka igera kuri itatu dukundana.

Nabyirutse ndi umukobwa ukunda gusenga cyane, si ukwigira mwiza cyane wenda kurusha abandi bakobwa, ariko uko niko kuri kwanjye, gusa ntabwo nigeze ngira igihe cyo kumva ngomba kwinezeza mu buryo bw’imibonano mpuzabitsina.

Nk’umusore dufitanye gahunda yo kubana muri uyu mwaka, yakomeje kunsaba ko twaryamana ndamuhakanira, ngeze aho mubwiza ukuri ko nifashe kuva mu bwana bwanjye, ko umugabo uzantwarira ubusugi ari uwo tuzabana.

Namubwiye ko niba ari we koko Imana yangeneye, yazatagereza igihe kikagera, ubusugi bwanjye nkamenya ko ari we ubunyambuye nk’uwo Imana yampaye nk’umugabo.

Yaratunguwe, ambaza byinshi nkamusubiza, mbese mbona ko atunguwe cyane ariko nta kindi nabikoraho, ibanga nararimumeneye. Kuva uwo munsi, nta kindi cyifuzo afite, mbese nabaye nkukongeje umuriro.

N’ubwo ntazi impamvu yifuza cyane ko turyamana kubera ko namuhishuriye ko nkiri isugi, njye ku bwanjye mbona narabaye nk’ukojeje agati mu ntozi, bityo nkaba nkomeje kubigiramo amakenga.

Umusore yageze n’aho ambwira ngo nimusabe icyo numva nifuza mu byo atunze byose, ndamubwira nti icyo nagusaba ni ukwitonda isaha ikagera tukabana, nkakwiha wese uko uzaba ubishaka. Ibi ntabwo abikozwa.

Messages anyoherereza buri kanya ni icyo aba anyibutsa, arampamagara akambwira uburyo atakibasha gutora agatotsi, namubaza ikirimo kumutera kwifuza cyane kuryamana na njye akanga kukimbwira.

Mungire inama, nayobewe icyo uyu musore yifuza kugeraho, kumukunda byo na njye ndamukunda ariko ubusugi bwanjye bwo nabukomeyeho cyane, kuko si uwa mbere, si uwa kabiri, cyangwa gatatu na kane wifuje ko turyamana nkamubera ibamba.

Murakoze inama zanyu ni iz’agaciro!

 

 

Izindi wakunda

5 Ibitekerezo

Zuzu 03/04/2019 7:16 pm at 7:16 pm

Nakugira inama yo gukomera ku ibanga ryawe, umusore ukamwihorera niba Ari uwawe koko ategereze. Bitazaba nka amunone na Martha

Subiza
Umubyeyi 03/04/2019 10:29 pm at 10:29 pm

Wowe ubwawe wivugiye ko udashobora kuryamana nawe, komereza aho mwime Kabsa, abahungu ni ingegera mbi!! Ukurikije uko agusaba aragira ngo muzaryamane ahite akujugunya!! Ananijwe niki kwihangana se ko wumva mufite gahunda yo gukora ubukwe muri uyu mwaka?? Rekana n’ingetura

Subiza
Ndungutse Noel 04/04/2019 11:12 pm at 11:12 pm

Wamubwiye akihutisha ubukwe,niba yifite,hanyuma agashira amatsiko.gusa nawe urimuri risque niba utabyizeye neza,ar’ukumurish’umutima,ntabwo urugo rwanyu ruzamara2.

Subiza
kamana 13/04/2019 1:34 pm at 1:34 pm

Mbe wa mukobwa we, ubwo ntiwigiza nkana kubaza uko uzitwara k’uwo musambanyi w’umusore? Ubusugi bwa we ni bwo wowe kandi ni bwo cyubahiro cy’umukobwa uwo Ari we wese.
Umugabo ukubwira Ngo umuhe ubusugi bwa we, hanyuma umwake icyo ushaka cyose mu byo atunze?? Iyo ni indaya kabwera y’umusore. Uwo nta n’umugabo umurimo. Ni umugabo ushobora gutanga ibyagatunze urugo rwe ku ndaya cg k’undi mugore cg kobwa kandi yubatse afit’umugore iwe imuhira. Eeeh, Ngo musabe icyo ushaka ariko umuhe, what?
N’abandi bakobwa mwese muzasoma iyi nkuru mwuvire ho, ko umugabo cg sore utinyuka kubwira umukobwa Ati: Nsaba icyo nshaka mu byo ntunze ariko umpe…
Wow!! Uwo nt’aho aba aguhishe, ntacyo aba agukinze. Aba amaze kwiva mo wese wese akweretse ko atanga ibyatunze n’ahandi Ngo aronke igitsina.
Icyo ashaka n’ukukwambura ubusugi yamara akaguta nk’isogisi rishaje. Uzapime umwemerere uzambwira hanyuma ikizakuba ho. Cyakora n’ubwo ntakuzi nishimiye kumva ko nt’abapfira gushira kandi hakiri ho abakobwa nyabakobwa biyubaka.
Ubusugi??? Ni agaciro katagurwa amafranga…

Subiza
Eddy 17/04/2019 10:16 am at 10:16 am

Reka mbanze ngushimire agaciro wahisemo kwihesha nk’umwari w’i Rwanda. ntabapfira gushira kko!!!!! kandi nenge uwitwa UMUBYEYI hano wafashe abahungu bose ati ni ingegera ndetse ingetura, si byiza gushyira muri rusange.

Inama yange nuko ahubwo ubishoboye uwo mukunzi wawe watangira kumugendera kure bishoboka ariko ukabikora mu bwenge kko byashoboka ko ariwe muzabana kko. wirinde kumusura aho aba, agize icyo mushaka ko muganira mwahurira ahantu hahurira abandi bantu mukaganira kko ushobora gukinisha gusambana nawe ubuzima bwawe bwose bukarangirira aho. ubundi c yakwihanganye agategereza umunsi w’ubukwe bwanyu? sinumvishe mufite gahunda vuba? ngayo nguko!!!!!

Subiza

Tanga Igitekerezo

Bwiza.com
error: Alert: Ntabwo byemewe!!