bwiza.com
Imikino

Ruhago: Amavubi yasubiye inyuma imyanya itatu ku rutonde rwa FIFA


 

Ikipe y’igihugu y’u Rwanda y’umupira w’amaguru ‘Amavubi’ yasubiye inyuma imyanya itatu ku rutonde rusange rusohorwa n’ishyirahamwe ry’umupira w’amaguru ku isi (FIFA) , rugaragaza uko ibihugu bikurikiranye ku isi.

Kuri uyu wa kane tariki ya 4 Mata 2019, nibwo ishyirahamwe ry’umupira w’amaguru ku isi ryasohoye urutonde rw’uko amakipe y’ibihugu akurikiranye ku isi. U Rwanda rukaba rwaje ku mwanya 138 mu kwezi kwa gatatu.

Amavubi akaba yasubiye inyuma imyanya itatu kuko ku rutonde ruheruka rwo mu kwezi kwa kabiri , Amavubi yari ku mwanya 135. Amavubi yasubiye inyuma kubera ko yagize umusaruro mubi mu mukino yakinnye na Ivory Coast mu kwezi gushize, aho yatsinzwe ibitego bitatu ku busa.

Uru rutonde rusohoka buri kwezi, rugaragaza ko muri aka karere ka Afurika y’iburasirazuba, Uganda ariyo iyoboye dore ko iri ku mwanya wa 79 ku isi. Abaturanyi b’Abarundi bari ku mwanya wa 136, Tanzania 131, Kenya 108.

Ku rwego rwa Afurika , Senegal niyo iyoboye ikaba iri ku mwanya wa 23 ku si igakurikirwa na Tunisia iri ku mwanya wa 28 ku isi.

Dore ibihugu 5 byambere muri Afurika:
1 Senegal (23 ku isi)
2 Tunisia (28 ku isi)
3 Nigeria ( 42 ku isi)
4 Morocco ( 45 ku isi)
5 DRC (46 ku isi)

Ku rwego rw’isi igihugu cy’Ububirigi nicyo kiyoboye ibindi.
Dore ibihugu 10 byambere ku rwego rw’isi:
1 Ububirigi
2 Ubufaransa
3 Brazil
4 Ubwongereza
5 Croatia
6 Uruguay
7 Portugal
8 Ubusuwisi
9 Spain
10 Denmark

Nkurunziza Viateur @ Bwiza.com

Izindi wakunda

Bwiza.com
error: Alert: Ntabwo byemewe!!