bwiza.com
Amakuru

Umwana w’imyaka icyenda yashyingiranwe n’uw’imyaka itandatu bicaye ku nzoka

Abaturage bo mu cyaro cya Nakapyata mu Karere ka Buyende mu Burasirazuba bwa Uganda bitabiriye ubukwe bw’umwana w’umuhungu w’Imyaka icyenda n’umukobwa w’imyaka itandatu.

Aba bana bombi biga mu mwaka wa Kane w’amashuri abanza  bakoze ubukwe kuwa Mbere w’iki cyumweru. Bivugwa ko aba bombi bavukanye amenyo abiri.

Abaturage bemeza ko aba bana batangiye kurambagizanya ubwo umuhungu yari afite imyaka itatu mu gihe umukobwa yari afite amezi atatu nk’uko Dailymonitor dukesha iyi nkuru ibitangaza.Aba bombi bahawe inzu yabo bwite bazajya babamo nk’umugore n’umugabo.

Se w’umuhungu, Delifazi Mulame mu guha umugisha aba bombi yagize ati “  Umuhungu wanjye yavukanye amenyo abiri ndetse n’umugore we ni uko. Ukuvuka kwe kwazanye imigisha myinshi kandi izina rye rizahuza Abaganda n’Abasoga.”

Mwalimu w’uyu, Barbra Namulesa, avuga ko uyu muhungu  ubusanzwe avuga nk’abantu bakuru kandi ko agira ikinyabupfura ndetse ko yajyaga amugira inama n’ubwo ari we umwigisha

Nyina w’umukobwa washyingiwe, Mwadi Mutesi yagize ati “ Ndumva ari ibi Kintu, umukurambere wacu yavuze. Uyu mwana yatangiye kuvuga akivuka. Ubwo nari ndi kumubyara narabajije bambwira ko ari umukobwa. Umubyaza yambwiye ko umukobwa wanjye avukanye amenyo abiri. Nibajije ukuntu nzajya nonsa umwana ufite amenyo ariko mumpurizwa na muramukazi wanjye twari kumwe kwa muganga.”

Avuga ko umukobwa we yamaze umunsi umwe atangira kugenda, ibintu byatumye abo bari kumwe bahunga icyumba bari basangiye.Ubukwe bw’aba bombi bwabaye bicaye ku nzoka ya metero ebyiri aho abakuru bo muri aka gace bavugaga ko ari yo kurinda uru rugo rushya.

Umuvugizi wa Polisi mu kace ka Busoga y’Iburasirazuba, Michael Kasadha, yatangaje ko bagiye kureba iby’ubu bukwe kuko ubusanzwe nta bantu bemerewe kubana bari munsi y’imyaka 18 muri iki gihugu cya Uganda.

 

 

 

Izindi wakunda

Bwiza.com
error: Alert: Ntabwo byemewe!!