bwiza.com
Ahabanza » Telephone ya mbere ikoresha murandasi(internet) ya 5G yageze ku isoko.
Ubukungu

Telephone ya mbere ikoresha murandasi(internet) ya 5G yageze ku isoko.

Ikigo gikora ibikoresho by’itumanaho, Samsung, kuri uyu wa Gatanu cyashize hanze telephone ya Galaxy S10 5G, telephone yambere ikoresha ikoranabuhanga n’itumanaho rigezweho rya 5G muri Korea y’Epfo.

Ku wa gatatu kandi ibigo bitatu byo muri Korea y’Epfo byishyize hamwe, byatumye Korea y’Epfo iba igihugu cya mbere ku Isi cyashyize ku mugaragaro itumanaho rishingiye kuri internet ya 5G. Ni ihuzanzira(Connection) rifite umuvuduko ukubye inshuro 20 iryari risanzwe rikoreshwa rya 4G. Iyi internet yemerera umuntu gukura amafilimi ku mbuga za internet mu gihe kiri munsi y’isegonda.

Iyi telefone yamuritswe n’ibigo bitatu byo muri Korea Y’Epfo –SK Telekom, KT and LG Uplus mu mugi wa Seoul.

Iyi telephone iri kugura 1200$ asaga gato miliyoni imwe y’amanyarwanda.

Abantu benshi bitabiriye ibirori byo kumurika iyi telephone batangajwe n’ubushobozi buhanitse ifite. Umwe mu bayiguze ku ikubitiro Shim Ji-hyne, ufite imyaka 38, yavuze ko akunda cyane kureba amashusho(video) , ibyigisho n’amafilimi menshi cyane. Akaba yizeye ko bizamufasha cyane mu gukoresha igihe cye neza.

Umushakashatsi Lee Sang-yoon , yavuze ko ubu noneho ibiboneka kuri internet bishobora kurebwa neza cyane ntagukererwa.

Amakuru dukesha ikigo cyita ku by’ubukungu bushingiye ku itumanaho rishingiye ku matelefone, avuga ko iyi telephone n’iri tumanaho bizinjiza asaga miliyali 565$ mu bucuruzi ku Isi bitarenze mu 2034.

Iyi nkuru dukesha ibiro ntaramakuru by’Abafaransa, AFP ivuga ko iri terambere ari kimwe mu byatumye havuka ubushamirane bushingiye ku itumanaho hagati y’Amerika na Korea y’Epfo.Amerika ivuga ko iri koranabuhanga ryo muri iki gihugu rishobora kuzahungabanya umutekano w’abarikoresha.

Bizumuremyi Patrick@bwiza.com

Izindi wakunda

Bwiza.com
error: Ntibyemewe