bwiza.com
Ahabanza » U Rwanda rwasheshe amasezerano rwari rufitanye n’ikigo cyeguriwe ibitaro bikuru by’Umwami Faisal
Ubuzima

U Rwanda rwasheshe amasezerano rwari rufitanye n’ikigo cyeguriwe ibitaro bikuru by’Umwami Faisal

U Rwanda rwasheshe amasezerano yo gucunga ibitaro bikuru byitiriwe umwami Faisal, rwari rufitanye n’ikigo cyigenga cyo muri Angola, Ocean Healthcare.  

Abahaye amakuru The East African bazi neza iki kibazo n’abandi baturuka mu nzego za leta bavuga ko iseswa ry’ayo masezerano ryabaye muri iki cyumweru kubera gutanga serivisi mbi ku babagana.

Umwe mu batanze amakuru utifuje kumenyekana, yavuze ko Leta yakiraga ibirego buri munsi bivuga ko serivisi zigenda zirushako kuba mbi. Ati’’ Byari bigeze aho ibindi bitaro bito bitanga servisi nziza kurusha King Faisal. Iryo shoramari ntacyo ryari rikivuze kuri leta kubera ko serivisi Healthcare ocean yatangaga zitahuraga n’ibyo leta yari yiteze.’’

Ocean Healthcare Rwanda, yasinyanye amaseserano yo gucunga ibitaro bikuru byitiriwe umwami Faisal na leta muri Mutarama 2017, mu gihe kingana n’imyaka 5. Icyo kigo cyari gife inshingano zo kuvugurura servisi n’ibikoresho kibishyira ku rwego mpuzamahanga.

Ku ikubitiro, iki kigo cyahise gishora mu bitaro miliyoni 23$ biyemeza ko bagiye gushyira ibikoresho bijyanye n’iterambere ku bitanda 160 by’ibyo bitaro.
Leta y’u Rwanda yemeye kwishyura umwenda munini Faisal yari irimo urenga $361,000, kugira ngo bongerere umwete umushoramari.

Gusa leta yafashe umwanzuro wo gusesa amasezerano nyuma y’imyaka ibiri, nyuma y’uko uwo mushoramari ananiwe kugira Faisal ibitaro by’icyitegererezo muri Afurika y’Iburasirazuba.

Iseswa ry’ayo masezerano ryabaye nyuma y’uruzinduko rutunguranye Perezida Paul KAGAME yagiriye kuri ibi bitaro mu cyumweru cyashize.

Bizumuremyi Patrick @bwiza.com

Izindi wakunda

Bwiza.com