bwiza.com
Ahabanza » Uwari umugore w’umuherwe wa mbere ku isi mu bagore bane bakize nyuma y’ubutane
Ubukungu

Uwari umugore w’umuherwe wa mbere ku isi mu bagore bane bakize nyuma y’ubutane

MacKenzie Besos, umugore wari uwa Jeff Besos, umuherwe wa mbere ku isi, Kuwa 04 Mata 2019, mu butumwa bwe yashize ku rukuta rwe rwa Twitter yagaragaje ko barangije gukora ibisabwa kugira ngo batandukane. Ibyo byatumye asigarana miliyali $35.6 mu migabane y’ikigo cyabo cy’ubucuruzi cya Amozon.com, Inc.

MacKenzie yavuze ko yishimiye guha uwari umugabo we 75 % by’imigabane bari bafite muri icyo kigo n’uburenganzira butora ku migabane ye.

Ubu butane bwatumye uyu mugore ahita aza mu bagore b’abaherwe bane ba mbere ku Isi. Iyi nkuru dukesha CNBC ivuga ko, uyu mugore azagumana 4% bya Amazon, akazaba ari uwa gatatu mu bafite imigane myinshi muri icyo kigo, nyuma y’umgabo we na Vanguard. Jeff Bezos azokomeza kuba umuherwe wa mbere ku isi na nyuma yo gutakaza miliyali 35.6 kubera gutandukana n’umugore we.

Mu butumwa butandukanye n’ubw’umugore we, Jeff Besos yashimiye cyane uwari umugore we mu butumwa na we yashize ku rukuta rwa Twitter. Ati: “Ndamushimira cyane kubw’ ubufasha yampaye n’umutima mwiza yagize muri iyi nzira yose, ntegereje cyane umubano mushya tuzagirana nk’inshuti n’ababyeyi.”

Abahanga mu by’amategeko agenga ubutane , bavuga ko gutandukana kwa Jeff Besos n’umugore we ari umwihariko bitewe n’uko bombi babanye mbere y’uko buri wese agira amafaranga menshi. Bashimangira ko abenshi batandukanye ari abashatse abagore nyuma yo kuba abaherwe.

Bizumuremyi Patrick @bwiza.com

Izindi wakunda

Bwiza.com
error: Ntibyemewe