bwiza.com
Ahabanza » DRC: Ebola imaze guhitana abarenga 700
Ubuzima

DRC: Ebola imaze guhitana abarenga 700

 

Icyorezo cya Ebola gikomeje guhitana abantu benshi muri Repubulika Iharanira Demokarasi ya Congo, aho kugeza ubu kimaze guhitana abarenga 700 kuva icyi cyorezo cyagera muri Congo mu kwezi kwa Kanama 2018.

Minisiteri y’ubuzima muri iki gihugu yatangaje ko Umubare w’abahitanwe n’iki cyorezo ukomeje kwiyongera aho mu byumweru bitatu gusa, Ebola yahitanye abarenga 100 , bityo umubare w’abamaze guhitanwa n’iki cyorezo ukaba ugeze kuri 700 muri rusange.

Kugeza ubu, abaturage bagera ku bihumbi 95,000 bari gukingirwa urukingo rwa Rvsv-Zebov . Uru rukingo rukaba rumaze gufasha abaganga gutabara ubuzima bw’abaturage nk’uko bitangazwa na minisiteri y’ubuzima ya Congo.

Icyi cyorezo kikaba cyibasiye intara ya Kivu y’amajyaruguru ndetse n’intara ya Ituri. Icyi cyorezo cya Ebola muri Congo ni icya kabiri kibayeho cyahitanye abantu benshi nyuma y’icyabaye muri Afurika y’iburengerazuba muri 2014 kigahitana abarenga 10,000 muri Liberia, Guinea ,na Sierra Leone.

Ishami ry’umuryango w’Abibumbye ryita ku buzima (OMS) ritangaza ko hari amahirwe menshi ko icyi cyorezo gishobora gukwirakwira muri iki gihugu ndetse no mu karere muri rusange ndetse ko ibikorwa byo kukirwanya bishobora gufata amezi atandatu.

Imitwe y’itwaje intwaro, umutekano muke ndetse n’imyumvire mibi y’abaturage nibyo byagiye bikoma mu nkokora ikumirwa ry’iki cyorezo muri iki gihugu.

Ubushakashatsi buheruka gukorerwa mu mijyi yo hagati ya Beni na Butembo bugaragaza ko hari ibigo bitatu byizewe byo gufasha abantu mu gihe abarenga kimwe cya kane bavuga ko nta Ebola ihari.

Nkurunziza Viateur Bwiza.com

Izindi wakunda

Bwiza.com
error: Alert: Ntabwo byemewe!!