bwiza.com
Ahabanza » Kenya: Imiryango ikennye yugarijwe n’inzara
Ubukungu

Kenya: Imiryango ikennye yugarijwe n’inzara

Abakomoka mu miryango ikennye muri Kenya bugarijwe n’ikibazo cy’inzara ikabije kubera igabanuka ry’imvura n’ubuke bw’ ibyo kurya. Ibyo bikaba bigira uruhare mu izamuka ry’ibiciro bitoroheye Abanyakenya benshi.

Iki kibazo kikaba cyibasiye cyane abatuye mu byaro bakorera amafaranga make ndetse n’abatuye mu kajagari mu migi. Nk’uko byemejwe n’abashizwe iby’ubumenyi bw’ikirere, ibice byinshi byo muri Kenya bizakomeza kugarizwa n’ikibazo cy’amapfa n’ubushyuhe.

Iyi nkuru dukesha The Daily Nation, ivuga ko ubu abenshi barimo gukoresha ibyo bahunitse, ubwizigame cyangwa bakagurisha imwe mu mitungo yabo kugira ngo babone ibyo kurya. Uwitwa Mutinda Joseph, ukora ubucuruzi bushingiye ku bikoresho by’itumanaho i Nairobi, ni umwe muri abo.

Mu ntangiriro z’uyu mwaka, Mutinda n’umuryango we bagabanyije cyane amata, imbuto n’ibindi biribwa by’igenzi. Uwo mucuruzi akaba ahangayikishijwe n’uko abana be batatu bashobora guhura n’ikibazo cy’indwara ziterwa n’imirire mibi.

Mu ijambo umukuru w’igihugu, Uhuru Kenyatta aherutse ku geza ku baturage ku wa 04 Mata 2019, yemeje ko ikibazo gihari. Yijeje Abaturage ko agiye gukora imbinduka ku bijyanye n’umusaruro w’ibigori n’isukari.
Roporo ya Leta zunze ubumwe z’Amerika, agashami kita ku buhinzi n’ubworozi muri Kenya, ivuga ko umusaruro w’ibigori uzagabanuho 12%. Ibyo bituma icyizere cy’ikemuka ry’icyo kibazo kigabanyuka. Iyo raporo kandi ntabwo ikubiyemo amapfa Abanyakenya bugarijwe na yo muri iyi minsi, bivuga ko ibintu bishobora kuzamba kurushaho. Kugeza ubu 1kg cy’impungure cyazamutseho hafi amafaranga 150 y’amanyarwanda.

Ibindi biribwa bimaze kuzamuka ku buryo bukabije ni: imbuto, ibitunguru n’imboga nk’uko Jane Chematia yabibwiye The Saturday Times.

Bizumuremyi Patrick @bwiza.com

Izindi wakunda

Bwiza.com
error: Alert: Ntabwo byemewe!!