bwiza.com
Ahabanza » RDC: Abantu bane biciwe mu gitero cy’abajura bitwaje intwaro
Amakuru Politiki

RDC: Abantu bane biciwe mu gitero cy’abajura bitwaje intwaro

Le volcan Nyiragongo vu de Goma, 2004.

Abantu bane barishwe, abandi babiri barakomereka mu gitero cy’abajura bitwaje intwaro mu biturage bya Bugarura na Bujari, muri Teritwari ya Nyiragongo, ho muri Kivu y’Amajyaruguru mu burasirazuba bwa Repubulika iharanira Demokarasi ya Congo.

Amakuru aturuka muri Nyiragongo aravuga ko agatsiko k’abagabo bagera mu 10 bitwaje intwaro bambaye gisivili binjiye mu giturage cya Bugarura muri groupement ya Minigi nka saa mbiri z’ijoro bagatangira gushaka kumena inzugi z’abaturage ngo binjire mu nzu ku ngufu, igisirikare na polisi bagatabara.

Radio Okapi dukesha iyi nkuru ikaba ivuga ko habayeho kurasana nk’iminota 40 bigateza icyoba mu baturage.

Sosiyete sivile ya Nyiragongo ikaba ivuga ko abajura babairi bishwe, abaturage babiri bagakomereka barashwe n’abo bajura mbere yo guhunga. Abaturage bo muri groupement ya Munigi bakaba bashimira igisirikare na polisi byabatabaye, bagasaba ko hakongerwa ingabo zikazajya zihangana n’ibitero nk’ibi ngo bikunze kugaragara muri teritwari yabo.

Iyi nkuru irakomeza ivuga ko muri iyi Teritwari ya Nyiragongo n’ubundi, mu Giturage cya Bujari, muri Groupement ya Kibati, umugabo n’umugore bishwe n’abantu bitwaje intwaro batamenyekanye. Aba ngo bakaba bararashe abishwe babegereye mbere yo gucika bihuta.

 

 

Izindi wakunda

Bwiza.com