bwiza.com
Kwibuka

Uko gahunda yo #Kwibuka 25 yatangiye n’uko ikomeje kuri uyu munsi.

Kuri uyu munsi Abanyarwanda n’isi yose twatangiye kwibuka abazize Jenoside yakorewe Abatutsi mu 1994, ku nshuro ya 25. Ni uku gahunda zateguwe ku rwego rw’igihugu:

Umukuru w’Igihugu, Perezida Paul Kagame yatangije iki gikorwa ku Rwibutso rwa Kigali ku Gisozi ari hamwe n’abayobozi batandukanye baturutse mu mahanga, barimo Perezida wa Congo Brazaville, Bwana Dennis Sassou Ng’ueso, Abiy Ahmed(Minisitiri w’Intebe wa Ethiopia, Perezida wa Niger, Mahamadou Issoufou, uwahoze ayoboye Nigeria, Olesegun Obasanjo, umuyobozi w’umuryango w’ibihugu bikoresha ururimi rw’Igifaransa, Madamu Louise Mushikiwabo,  Perezida wa Djibouti, Ismail Omar Guelleh, Thabo Mbeki na Benjamin Mkapa wabaye Perezida wa Tanzania.

Aba bayobozi bashyize indabo ku mva z’abazize Jenoside banunamira izi nzirakarengane zisaga 250000, Umukuru w’igihugu acana urumuri rw’icyizere ruzamara iminsi 100 yo kwibuka.

Nyuma y’uyu muhango, igikorwa gikomereje muri Kigali Convention Center ku Kimihurura. Barabona umwanya wo gutanga ubutumwa bageneye Abanyarwanda n’isi muri rusange, haratangwa ubuhamya bujyanye na Jenoside. Abahanzi bo mu Rwanda n’abo hanze na bo baratanga ubutumwa bwabo binyuze mu bihangano byabo.

Saa kumi z’igicamunsi, haraba urugendo rwo kwibuka(Walk to Remember) rurava ku Nteko Ishingamategeko rugana kuri Sitade Amahoro. Saa 6h zuzuye harakomeza gahunda y’ijoro ryo kwibuka(Night Vigil) na none kuri iyi sitade.

Izindi wakunda

Bwiza.com
error: Alert: Ntabwo byemewe!!