bwiza.com
Ahabanza » #kwibuka25: Umuganga yavuze ko yishimiye ibikorwa bya Habyarimana Juvenal atabwa muri yombi.
Kwibuka

#kwibuka25: Umuganga yavuze ko yishimiye ibikorwa bya Habyarimana Juvenal atabwa muri yombi.

Ku wa 7 Mata mu murenge wa Nyamirambo mu karere ka Nyarugenge, umuganga wahoze akorera ibitaro bya CHUB ari mu maboko y’ubugenzacyaha nyuma y’aho yihaye umwanya akavuga ko tariki ya 7 Mata imushimisha, akongeraho ko yishimiye ibikorwa bya Habyarimana Juvenal.

Uyu muganga w’imyaka 44, yafashe umwanya asobanura ‘Impinduramatwara ya MRND’ yifashishije Imbwirwaruhame Habyarimana Juvenal yigeze gutanga ubwo yari amaze imyaka 10 ku butegetsi.

IGIHE bavuganye n’umunyamabanga Nshingwabikorwa w’umurenge wa Nyamirambo, Uwamwiza Marie Chantal ababwira ati:

“Yihaye ijambo(mu gihe cyo kwibuka), atangira gusobanura iby’impinduramatwara ya MRND (Revolution ya MRDN) yifashishije agatabo yari afite. Yavuze ko yishimiye ibikorwa bya Habyarimana. Abashinzwe umutekano bahise bahagoboka, baramucecekesha, umuhango na wo urakomeza.”

Uyu muganga wari usigaye akorera kuri 40 muri uyu murenge, afungiwe ku kigo cya polisi mu murenge wa Rwezamenyo.

Ibyaha nk’ibi biri mu bifatwa nko guhakana no gupfobya Jenoside yakorewe Abatutsi mu 1994.

Izindi wakunda

Bwiza.com
error: Alert: Ntabwo byemewe!!