bwiza.com
Ahabanza » Ntacyananira u Rwanda iyo ndebye aho rwavuye- Amb. Mugambage
Amakuru Kwibuka

Ntacyananira u Rwanda iyo ndebye aho rwavuye- Amb. Mugambage

Amb. Mugambage n'abandi banyacyubahiro bacana urumuri rw'icyizere/ Ifoto: Chimpreports

Ambasaderi w’u Rwanda muri Uganda, Rtd. Maj. Gen. Frank Mugambage atangaza ko abona u Rwanda ntacyarunanira ashingiye ku nzira y’inzitane rwanyuzemo kugira ngo rwiyubake nyuma ya Jenoside yakorewe Abatutsi mu 1994.

Ibi Amb. Mugambage yabitangarijhe mu muhango wo kwibuka ku nshuro ya 25 Jenoside yakorewe Abatutsi wabereye muri Kaminuza ya Makerere mu gihugu cya Uganda. Yasabye Abanyarwanda baba muri Uganda kubumbatira ubumwe nk’imwe mu nzira yo guhangana n’ihungabana rya Jenoside yakorewe Abatutsi.

Amb. Mugambage n’abandi banyacyubahiro bacana urumuri rw’icyizere/ Ifoto: Chimpreports

Ati “ Ni inshingano zanyu guhora mwibuka. Iyo ntekereje aho twavuye, mbona ko u Rwanda ntacyarunanira. Mu 1994, u Rwanda rwari rwarazimye. Iki ni igihe cyo kwibuka ababuze ubuzima no kwifatanya n’abarokotse.”

Mugambage kandi yavuze ko byasabye ubuyobozi bw’u Rwanda gufata iya mbere bugahagarika Jenoside yakorewe Abatutsi mu gihe amahanga yareberaga. Yavuze ko ibikorwa byo kwibuka birimo nko gusura Urwivutso rwa Jenoside yakorewe Abatutsi ruri Lumbo mu Karere ka Masaka n’ahandi bizakomeza mu gihe cy’iminsi ijana.

Ambasaderi Muagmbage kandi yashimiye bimwe mu bihugu byafashe kandi bikohereza abagize uruhare muri jenoside kugira ngo bagezwe imbere y’ubutabera.

Aba mbasaderi n’abahagarariye ibihugu byabo muri Uganda bari bitabiriye umuhango wo kwibuka ku nshuro ya 25/ Ifoto: Chimpreports

Umuyobozi w’Umuryango w’Abanyarwanda baba muri Uganda, Donnat Kananura yasabye Abanyarwanda kuba umwe no guharanira ko jenoside itakongera kubaho ukundi.

Ati “  Nta wasubiza u Rwanda mu imeneka ry’amaraso. Abana bavutse nyuma ya jenoside kubwirwa ibyabaye.”

Uyu muhango kandi wari witabiriwe n’abambasaderi batandukanye n’abandi bahagarariye ibihugu byabo muri Uganda nk’uko Chimpreports dukesha iyi nkuru ibitangaza.

 

Izindi wakunda

Bwiza.com
error: Ntibyemewe