bwiza.com
Ahabanza » Minisiteri y’ubuzima yibutse abari abakozi bayo bishwe muri jenoside
Kwibuka

Minisiteri y’ubuzima yibutse abari abakozi bayo bishwe muri jenoside

Tariki ya 9 Mata 2019, Mu gihe mu gihugu hose hibukwa jenoside yakorewe Abatutsi bishwe muri Mata 1994, Minisiteri y’ubuzima ifatanyije na RBC, yibutse abari abakozi bayo n’abikigo RBC yahoze yitwa CNRC ndetse n’ibindi bigo byari biyishamikiyeho,

Abayobozi barangajwe imbere na minisitiri wu’buzima Diane Gashumba, basuye urwibutso ruherereye i Ntarama mu karere ka Bugesera mu ntara yiburasirazuba. Igikorwa cyatangiye bibutswa insanganyamatsiko igira ati “Twibuke twiyubaka” umuhango watangijwe no gufata umunota wo kwibuka abazize Jenoside, banashyira indabo ku mva zishyinguyemo Abatutsi biciwe muri kiliziya ya Ntarama.

Minisitiri Diane Gashumba, yashimiye cyane ingabo Inkotanyi zo zahagaritse jenoside. ati:”Ndashimira ingabo za FPR Inkotanyi zahagaritse jenocide, iyo zititanga ubu natwe ntago tuba duhagaze aha ngaha, ndashimira kandi abaje kwifatanya na RBC kwibuka abari abakozi bayo ndetse nibindi bigo biyishamikiyeho bishwe muri jenocide yakorewe abatutsi muri mata 1994″

Dr. Assimwe Katteera umuyobozi mukuru wikigo gishinzwe kurwanya ubwandu bwa Virusi itera Sida, nawe wari witabiriye iki gikorwa cyo kwibuka jenoside yakorewe abatutsi ko kwibuka atari inzika. “Kwibuka si inzika ahubwo ni ukwibuka twiyubaka bikaba n’uburyo bwiza bwo kurushaho guha agaciro abacu twabuze muri jenoside yakorewe Abatutsi kandi bagiye tukibakunze, ikivi cyabo tuzacyusa”

Abibutswe kuri uyu munsi ni abakozi 42 bishwe muri Mata 1994,aba bose nabo mu bigo byari bishamikiye kuri Minisiteri y’ubuzima aribyo: Icyigo cyari gishinzwe kuringaniza urubyaro (ONAPO), CNRC cyahindutse RBC, icyari gishinzwe kurwanya igituntu, icyari gishinzwe kurwanya maralia, icyari gishinzwe kurwanya Sida.

Izindi wakunda

Bwiza.com
error: Alert: Ntabwo byemewe!!