bwiza.com
Ahabanza » Ubukungu mu bihugu byo munsi y’ubutayu bwa Sahara bwagabanutseho 2.3% muri 2018 
Ubukungu

Ubukungu mu bihugu byo munsi y’ubutayu bwa Sahara bwagabanutseho 2.3% muri 2018 

Iterambere ry’ubukungu ryagabanyutseho 2.3% mu mwaka w’2018 nk’ uko raporo ya Banki y’Isi yiswe Africa ‘s Pulse ibigaragaza. Ni raporo yashyizwe hanze kuri uyu wa kabiri, ku wa 9 Mata 2019. Isesengura uko ubukungu bw’ibihugu byo muri Afrika bwifashe buri myaka ibiri.

Iyi raporo ivuga ko Izamuka ry’ubukungu rikiri hasi cyane y’ubwiyongere bw’abaturage nyuma y’imyaka ine yikurikiranya, n’ubwo biteganyijwe ko mu muri uyu mwaka ubukungu buziyongeraho2.8%.

Africa’s Pulse ikubiyemo imbogamizi zituma ubukungu bw’ibihugu byo munsi y’ubutayu bwa Sahara butazamamuka n’ukuntu ubukungu bushingiye ku ikoranabuhanga bwafasha umugabane gutera imbere.

Albert Zeufack, umuyobozi w’impuguke muri banki y’isi ku rwego rw’Afrika, yavuze ko impinduka zishingiye ku ikoranabuhanga zishobora kuzamura ubukungu 2% buri mwaka, zikagabanya ubukene 1% munsi y’ubutayu bwa Sahara gusa.

Igaragaza kandi ko kuba ubukungu bwaragabanyutse ugeraranyije n’uko byari byitezwe ,byatewe no kudacunga neza amadeni, guta agaciro kw’amafaranga,politiki…gusa igaragaza ko hari n’ibindi bihugu bifite ubukungu burimo gutera imbere kandi buhagaze neza.

Mu bihugu bifite imitungo kamere myinshi nka Nigeria, ubukungu bwazamutseho 1.9% mu mwaka w’ 2018, buvuye kuri 0.8% muri 2017. Afurika y’Epfo yari imaze igihe mu ihungabana ry’ubukungu yazamutseho 0.8 % muri 2018. Angola, igihugu cyari icya gatatu mu bifite ubukubgu bwifashe neza mu gace, iracyafite ikibazo cy’ ihungabana ry’ubukungu kubera umusaruro w’ibikomoka kuri peteroli utifashe neza.

Iyi nkuru dukesha The new Times ivuga ko ubukungu bwazamutse mu bihugu nka Congo na Niger kubera ubwiyongere bw’ingufu mu bucukuzi bw’amabuye y’agaciro, ubuhinzi n’ubworozi n’ibikorwaremezo. Mu bihugu nka Liberia na Zambia kubera guta agaciro kw’amafaranga n’imyenda myinshi bisa n’ibica intege abashoramari, byatumye ubukungu buhungabana.

Raporo kandi igaragagazo ko mu bihugu bidakungahaye ku mitungo kamere nk’u Rwanda na Kenya n’ibindi byinshi byo muri Afurika y’iburengerazuba nka Benin na Cote d’Ivoire, ubukungu bwazamutse kandi bwari bwifashe neza cyane muri 2018.

Bizumuremyi Patrick @bwiza.com

Izindi wakunda

Bwiza.com
error: Ntibyemewe