bwiza.com
Ahabanza » Karongi: Ibura ry’akazi n’igishoro mu bibangamiye urubyiruko
Ubukungu

Karongi: Ibura ry’akazi n’igishoro mu bibangamiye urubyiruko

A young entrepreneur explaining the functionality of his economic stove that he is putting on the market during a trade fair in Kigali.Photo:Cyril NDEGEYA

Urubyiruko rwo mu karere ka Karongi, umurenge wa Tumba, rwatangaje ko bimwe mu bikomeje kubangamira iterambere ryabo ari ibura ry’akazi n’igishoro. Ibyo bikaba bibabuza kwihangira imirimo cyane ko n’ibura ry’akazi ari kimwe mu byugarije n’abarangije kaminuza.

Ibyo babitangaje mu kiganiro bagiranye na Rwanda Today mu cyumweru cyashize. Urubyiruko rwo muri uwo murenge rugaragaza ko rufite ubumenyingiro rwakuye mu mashuri y’imyuga ariko budatanga umusaruro kubera kubura akazi cyangwa igishoro ngo batangire ubucuruzi.

Venuste Ndayambaje, w’imyaka 26, yize ibijyanye n’amashanyarazi mu ishuri ry’imyuga rya Kavumu ariko kubera kubura igishoro ngo yihangire imirimo, byatumye aba umunyonzi kugira ngo abone uko abaho.

Ati’’ Ubumenyi mfite burimo kugabanuka aho kwiyongera. Uko ndushaho kudakoresha ibyo nize ni ko ndushaho kubyibagirwa”

Urubyiruko rushinja Ikigo cy’Igihugu gishinzwe guteza imbere no gufasha urubyiruko, BDF, gusaba ingwate kugira ngo babone inguzanyo kandi gifite inshingano zo kurutangira ingwate ku kigero cya 75%, byo bigatuma amabanki adatanga inguzanyo uko bikwiriye.

Fred Rucogoza, usanzwe amenyereye ubucuruzi bushingiye ku buhinzi n’ubworozi, ashaka inguzanyo yo gushora ariko avuga ko icyo kigega kimunaniza kuyibona.
Ati” Hashize amezi atanu nujuje ibisazwa ngo mbone inguzanyo muri BDF Ishami rya Karongi, ariko buri gihe iyo ngiyeyo babwira ko bikiri mu nyigo”

Yongeyeho ko amabwiriza akakaye n’ibyangombwa basabwa bituma batabona inguzanyo ngo babyaze umusaruro amahirwe ahari, ni mu gihe Leta iba yarashoye amafaranga menshi muri ibyo bigo ngo kibafashe kwiteza imbere. Ati “Abemerewe inguzanyo na bo bibafata igihe kinini kugira ngo bayibone”

Umuyobozi w’umurenge wa Tumba, Vienne Nsanganira yavuze ko iki kibazo bakizi kandi barimo gushaka uburyo bwo kugikemura. Ati”Turimo gushishikariza urubyiruko kwibumbira mu makoperative kubera ko bikomeye ko umuntu umwe ahabwa inguzanyo ugerenyije n’itsinda rya ba rwiyemezamirimo”

Bizumuremyi Patrick @bwiza.com

Izindi wakunda

Bwiza.com
error: Ntibyemewe