bwiza.com
Amakuru Politiki

Iburasirazuba: Hibutswe Abatutsi basaga 5,000 biciwe muri Paruwasi ya Mukarange ku itariki 12 Mata 1994

Kuri uyu wa Gatanu, itariki 12 Mata 2019, mu Ntara y’Iburasirazuba hibutswe Abatutsi basaga 5,000 biciwe muri Paruwasi ya Mukarange ku itariki nk’iyi bigizwemo uruhare n’uwari Burugumesitiri wa Komini Kayonza.

Umwe mu baharokokeye witwa Musabyeyezu, avuga ko tariki ya 12/04/1994, igitero cy’Interahamwe n’abasirikare kiyobowe na Burugumesitiri Senkware wayoboraga Komini Kayonza cyaje bagatera za gerenade Abatutsi bari bahungiye kuri Paruwasi ya Mukarange, abo gerenade zitishe bagatemagurwa.

Abatutsi biciwe kuri Paruwasi ya Mukarange barenga ibihumbi 5, bahahungiye baturutse mu cyahoze ari Segiteri Mukarange, ndetse ngo hari n’abari bahahungiye bavuye mu bice bya Gahini, Karubamba, Nyamirama, Kabarondo na Kitazigurwa bibwira ko uwahungiye mu Kiliziya aticwa.

Guverineri Mufulukye Fred

Guverineri w’Intara y’Iburasirazuba, Fred Mufulukye, yavuze ko  Amateka ya Jenoside yakorewe Abatutsi mu 1994 i Mukarange agaragaza ko ubuyobozi bubi bufatanyije n’Interahamwe bwari bwarateguye uyu mugambi kuko baje hano bavuye kwica Abatutsi I Kiziguro, bakomereza Rukara n’ahandi muri iyi Ntara.

Izindi wakunda

Bwiza.com
error: Alert: Ntabwo byemewe!!