bwiza.com
Ahabanza » Sudani: Gen Gosh Salah wari ukuriye ubutasi nawe yeguye nyuma y’ihirikwa rya Bashir
Amakuru Politiki

Sudani: Gen Gosh Salah wari ukuriye ubutasi nawe yeguye nyuma y’ihirikwa rya Bashir

Gen Gosh Salah wari igikomerezwa mu butegetsi bwa Perezida Omar Al-Bashir, akaba yari akuriye inzego z’iperereza nawe yeguye ku mwanya we akurikira uwayoboye igikorwa cyo gukura Bashir ku butegetsi.

Impamvu zaba zatumye Gen Salah (uri ku ifoto) ava kuri uyu mwanya ntizirasobanuka nk’uko iyi nkuru dukesha Chimpreports ikomeza ivuga.

Gusa, iyegura rye ryakurikiye imyigaragambyo ikomeye yavanye ku butegetsi Perezida Omar Al Bashir kuri uyu wa Kane ushize.

Gen. Salah ngo akaba azibukirwa ku kuyoborera inyuma y’amarido ibikorwa bya gisirikare byibasiye abigaragambya bamwe muri bo bakahasiga ubuzima.

Uyu wagaragaraga nk’umwizerwa wa Bashir, yari yavuye ku buyobozi bw’iperereza mu 2009 aza kugarukana imbaraga zose muri Gashyantare 2019 mu gihe cy’imyigaragambyo yamaganaga Leta ya Bashir.

Gen. Abdul Fatah Rahman ukuriye inama y’igihugu y’agateganyo y’igisirikare mu itangazo ryo kuri uyu wa Gatandatu yatangaje ko yakiriye ubwegure bwa Gen Salah wari umuyobozi mukuru wa Serivisi z’Igihugu z’ubutasi n’umutekano (NISS).

 

Izindi wakunda

Bwiza.com
error: Alert: Ntabwo byemewe!!