bwiza.com
Ahabanza » Amb. Eugene Gasana mu bukangurambaga bwa RNC kuva mu 2016
Amakuru Featured Politiki

Amb. Eugene Gasana mu bukangurambaga bwa RNC kuva mu 2016

Ambasaderi Eugene Gasana, wahoze ahagarariye u Rwanda muri Loni mbere yo kwanga kugaruka mu gihugu asimbuwe kuri uyu mwanya mu 2016, ngo yaba yaratangiye gukorera RNC kuva icyo gihe aho agenda akora ingendo zitandukanye hirya no hino ku Isi mu bukangurambuga bwa RNC akoresheje ibyangombwa bya Uganda nyuma yo kubeshya inzego zishinzwe abinjira n’abasohoka muri Amerika.

Ibi turabikesha inkuru y’urubuga Virungapost, rwahaye umutwe ugira uti: “Inzozi za Museveni ku Rwanda” igaruka ku kuntu ashaka gutekerereza u Rwanda no kurutegeka ibyo rugomba gukora.

Ibi biravugwa nyuma y’uko Perezida Yoweri Museveni atangarije ko yabonanye na Ambasaderi Gasana wari umaze igihe atavugwa mu itangazamakuru kuva yavanwa ku mwanya yari ariho wo guhagararira u Rwanda mu Muryango w’Abibumbye.

Ngo kimwe na Patrick Karegeya na Kayumba Nyamwasa, Gasana nawe ngo Musenei yamwigaruriye agikorera Guverinoma y’u Rwanda. Ngo kimwe na none na Ignace Murwanashyaka, Umuyobozi w’umutwe wa FDLR, wiganjemo abagize uruhare muri jenoside, wahamijwe ibyaha n’urukiko rwo mu Budage, Gasana nawe ngo yoroherejwe ahabwa passport ya Uganda imufasha kuzenguruka Isi mu buvugizi bwa RNC.

Ngo ni muri urwo rwego we na Charlotte Mukankusi wo muri RNC nawe ugendera ku byangombwa bya Uganda, baherutse kubonana na Perezida Museveni nk’uko yabyitangarije ubwe.

Iyi nkuru irakomeza ivuga ko Amb. Gasana yavanwe ku mwanya yari ariho agasabwa kugaruka mu gihugu ngo ategereze izindi nshngano ahabwa ariko akanga kuko ngo yumvaga ko uyu mwanya yari ariho nta wawumusimburaho, arangije afata icyemezo cyo kwitandukanya n’igihugu cye yemera gusanga RNC.

Ngo usibye kuba akorana n’umutwe ufatwa na Leta y’u Rwanda nk’umutwe w’iterabwoba wagize uruhare mu bitero bya grenade hirya no hino mu gihugu, ngo Gasana yanabeshye inzego zishinjwe abinjira n’abasohoka muri Leta Zunze Ubumwe za Amerika kugirango abone uruhushya rwo kuba muri iki gihugu, ko ashobora kugirirwa nabi agarutse mu Rwanda.

Perezida Museveni rero ngo akaba ashaka gufata u Rwanda nk’akarima ke akoresheje bamwe mu Banyarwanda nka Kayumba ngo afata nka Salim Saleh, ndetse Eugene Gasana afata nka Sam Kuteesa.

Izindi wakunda

1 Igitekerezo

Mbonyizina 15/04/2019 6:02 pm at 6:02 pm

Icyo nkunda ni uko uko byagenda kose Kagame agera aho akabatahura. Ariko se bajya mu manjwe baburaye? Kuki koko umuntu yibuza gusa n’ibyo akora?

Subiza

Tanga Igitekerezo

Bwiza.com
error: Alert: Ntabwo byemewe!!