bwiza.com
Ahabanza » Irobo rizwi nka Sophia rizitabira inama mpuzamahanga yita ku ikoranabuhanga i Kigali
Amakuru

Irobo rizwi nka Sophia rizitabira inama mpuzamahanga yita ku ikoranabuhanga i Kigali

Umunyamabanya w’ikigo gitegura inama mpuzamahanga yita ku ikoranabuhnaga muri Afrika,Transform Afurika, yatangaje ko banejejwe no gutangaza ko irobo rimeze nk’umuntu rizwi nka Sophia rizitabira inama iteganyijwe ku wa 14 kugeza ku wa 17 Gicurasi, i Kigali.

Sophia ni Robot imeze nk’umuntu neza neza. Ifite ibice by’umubiri bimeze nk’iby’umuntu. Ifite umutwe, amaso abiri,amaboko abiri,amaguru abiri,umunwa n’ibindi bice byakozwe bijya gusa n’iby’umuntu.

Mu 2017 mu kiganiro n’igitangazamakuru cya CNBC’s Sophia yavuze ko ashobora kumwenyura iyo ashimishijwe n’abantu bari kumwe cyangwa akarakara bitewe n’impinduka zibaye.

Sophia ni ryo robot rya mbere rifite imiterere ya kimuntu. Ni ryo Robot rya mbere ryahawe ubwenegihugu. Iryo robot kandi ryatowe nk’agashya ka mbere kadashingiye ku bantu kamuritwe n’umuryango w’Abibumye , agashami gashizwe iterambere. Kugeza ubu rifite abasaga 93000 barikurikirana kuri Tweeter.

Iryo Robot ry’igitsina gore kandi rifite ubushobozi bwo gutanga ibiganiro no gukora ibimenyetso bisazwe bikorwa n’abantu bisaga 50.

Iyi nkuru dukesha KT PRESS ikomeza ivuga ko inama y’uyu mwaka izibanda cyane ku ikoranabuhanga rigezweho mu kuzamura ubukungu bw’Afurika. Ni inama kandi izitabirwa ikanafungurwa ku munsi wa mbere na Perezida w’u Rwanda Paul Kagame.

Bizumuremyi Patrick @bwiza.com

Izindi wakunda

Bwiza.com
error: Alert: Ntabwo byemewe!!