bwiza.com
Ahabanza » Sudani: Abari bagize Guverinoma ya Omar Al-Bashir batawe muri yombi
Amakuru Politiki

Sudani: Abari bagize Guverinoma ya Omar Al-Bashir batawe muri yombi

Abari bagize guverinoma ya Perezida Omar Al-Bashir uherutse guhirikwa ku gitutu cy’abigaragambya muri Sudani, batawe muri yombi n’Akanama k’inzibacyuho ka gisirikare kayoboye igihugu

Aka kanama kanasezeranyije ko nta uzongera gutatanya abigaragambya.

Umuvugizi w’aka kanama yasabye abo ku ruhande rutavuga rumwe na Leta guhitamo Minisitiri w’intebe kandi ko bazubahiriza ibyifuzo byabo.

Kuva mu kwa 12 umwaka ushize imyigaragambyo yakomeje kongera umurindi muri Sudani bituma mu cyumweru gishize Perezida Omar al-Bashir avanwa ku butegetsi yari amazeho imyaka 30 ndetse arafungwa.

Akanama ka Gisirikare kayobooye Sudani muri iki gihe mu kiganiro n’itangazamakuru kuri iki Cyumweru, umuvugizi wako, Maj. Gen. Shams Ad-din Shanto yatangaje ko biteguye gushyiraho Guverinoma ya gisivili iyo ari yo yose amashyaka atavuga rumwe n’ubutegetsi azemeranyaho.

Ntabwo tuzashyiraho Minisitiri w’Intebe. Bazamuhitamo,” uwo ni Gen Shams avuga abatavuga rumwe n’ubutegetsi nk’uko iyi nkuru dukesha BBC ivuga.

Izindi wakunda

Bwiza.com