bwiza.com
Ahabanza » Amb. Nduhungirehe ntiyatunguwe n’icyemezo cy’ishyaka ry’Abasosiyalisiti mu Bufaransa
Amakuru Featured Politiki

Amb. Nduhungirehe ntiyatunguwe n’icyemezo cy’ishyaka ry’Abasosiyalisiti mu Bufaransa

Umunyamabanga wa Leta muri Minisiteri y’Ububanyi n’Amahanga, Olivier Nduhungirehe, yagaragaje kudatungurwa n’icyemezo cy’ishyaka ry’Abasosiyalisiti mu Bufaransa (Parti Socialiste) cyo kutifatanya n’andi mashyaka mu gusaba Perezida Emmanuel Macron kuzitabira imihango yo kwibuka ku nshuro ya 25 Jenoside yakorewe Abatutsi akazanafata ijambo akavugisha ukuri ku ruhare rw’u Bufaransa .

Ni nyuma kuri uyu wa Mbere, itariki 15 Mata hasohokeye amakuru avuga ko Umunyamabanga wa Mbere w’Ishyaka ry’Abasosiyalisiti mu Bufaransa yangiye gushyira umukono ku ibaruwa ifunguye yandikiwe Perezida Emmanuel Macron asabwa kuzitabira imihango yo Kwibuka ku nshuro ya 25, yatangiye ku itariki 07 Mata 2019, kandi akazafata ijambo akavugisha ukuri ku ruhare rw’u Bufaransa muri Jenoside yakorewe Abatutsi.

Iri shyaka ry’Abasosiyalisiti twababwira ko ari ryo ryaturukagamo Francois Mitterand wari Perezida w’u Bufaransa mu gihe cya Jenoside, waranzwe no gushyigikira ubutegetsi bwa Habyarimana na guverinoma yashyize mu bikorwa Jenoside yakorewe Abatutsi mu 1994.

Kuri Olivier Faure, Umunyamabanga wa Mbere w’Ishyaka ry’Abasosiyalisiti mu Bufaransa, ngo “abayobozi b’u Rwanda bifashisha jenoside mu gukomeza igitugu cyabo”.

Olivier Faure

Ibi rero ntibyatunguye Umunyamabanga wa Leta muri Minisiteri y’Ububanyi n’Amahanga y’u Rwanda, Ambasaderi Olivier Nduhungirehe. Abinyujije kuri twitter yagize ati: “Byari bikwiye kwitegwa! Faure Olivier, Umunyamabanga wa Mbere w’Ishyaka ry’Abasosiyalisiti, ishyaka rya Francois Mitterand na Hubert Vedrine, uruhare rwaryo muri jenoside yakorewe Abatutsi rutakiri urwo kwerekana, ryanze gusinya ubusabe bugamije gukora imbwirwaruhame y’ukuri.”

Izindi wakunda

1 Igitekerezo

Kika Mbula 21/04/2019 11:13 pm at 11:13 pm

Ibyo uwo munyamabanga w’ishyaka ry’aba socialiste mubufaransa avuga ni byo 100%

Subiza

Tanga Igitekerezo

Bwiza.com
error: Alert: Ntabwo byemewe!!